പേരാമ്പ്ര വാല്യേക്കോട് കാര്‍ മറ്റൊരു കാറില്‍ ഇടിച്ച് തലകീഴായി മറിഞ്ഞു
പേരാമ്പ്ര: വാല്യേക്കോട് മുസ്‌ലിം പള്ളിക്ക് സമീപം കാര്‍ കൂട്ടിയിട്ട് തലകീഴായി മറിഞ്ഞു. കാര്‍ നിര്‍ത്തിയിട്ട മറ്റൊരു കാറില്‍ ഇടിച്ച് തലകീഴായി മറിയുകയായിരുന്നെന്നാണ് ദൃക്‌സാക്ഷികള്‍ പറഞ്ഞതെന്ന് പേരാമ്പ്ര പൊലീസ് പേരാമ്പ്ര ന്യൂസ് ഡോട് കോമിനോടു പറഞ്ഞു.
സംഭവത്തില്‍ ആര്‍ക്കും പരിക്കില്ലെന്നാണ് പ്രാഥമിക വിവരം. കാറിലുള്ള യാത്രക്കാരുടെ വിവരങ്ങള്‍ അന്വേഷിക്കുകയാണ്. പൊലീസ് അവിടെയെത്തുമ്പോള്‍ തലകീഴായി മറിഞ്ഞ നിലയില്‍ വാഹനം മാത്രമാണുണ്ടായിരുന്നത്. കൂടുതല്‍ കാര്യങ്ങള്‍ അന്വേഷിക്കുകയാണെന്നും പൊലീസ് അറിയിച്ചു.
ഇന്ന് രാത്രി എട്ടുമണിയോടെയായിരുന്നു സംഭവം. നാലുപേര്‍ വണ്ടിയിലുണ്ടായിരുന്നെന്നാണ് ദൃക്‌സാക്ഷികള്‍ പറയുന്നത്.