പേരാമ്പ്രയില്‍ തെരുവ് നായയുടെ ആക്രമണം; അഞ്ച് പേര്‍ക്ക് കടിയേറ്റു
പേരാമ്പ്ര: പേരാമ്പ്രയില്‍ തെരുവ് നായയുടെ ആക്രമണത്തില്‍ നിരവധി പേര്‍ക്ക് പരിക്കേറ്റു. ഇന്നലെ വൈകീട്ട് അഞ്ച് മണിയോടെയാണ് സംഭവം. പൈതോത്ത് റോഡ്, ചിരുത കുന്ന്, ഒലീവ് സ്‌ക്കൂള്‍ പരിസരം എന്നിവിടങ്ങളിലുണ്ടായ ആക്രമണത്തില്‍ അഞ്ച് പേര്‍ക്ക് പരിക്കേറ്റു.
ചാലില്‍ പുഷ്പവേണി, പൈതോത്ത് റോഡ് മൊയോത്ത് ചാലില്‍ വാഴയില്‍ ജാനു, ചിരുത കുന്നില്‍ വാസു, ഒലീവ് സ്‌ക്കൂളിന് സമീപം കോരന്‍ കണ്ടി ശൈത്യ, കോരന്‍ കണ്ടി റീജ എന്നിവര്‍ക്കാണ് കടിയേറ്റത്. പരിക്കേറ്റവര്‍ക്ക് താലുക്ക് ആശുപത്രിയില്‍ പ്രാഥമിക ചികിത്സ നല്‍കിയ ശേഷം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.
