പേരാമ്പ്ര: പേരാമ്പ്ര നിയോജക മണ്ഡലം കെ.എസ്.യു പ്രസിഡന്റായി ആദിത്യ വാത്മീകത്തെ തെരഞ്ഞെടുത്തു. സംസ്ഥാനത്തെ കെ.എസ്.യുവിന്റെ ഏക വനിതാ നിയോജക മണ്ഡലം പ്രസിഡന്റായിരിക്കുകയാണ് ആദിത്യ.

എട്ടാം ക്ലാസ് മുതല്‍ സംഘടനാ രംഗത്ത് സജീവമായ ആദിത്യ പാലക്കാട് ചിറ്റൂര്‍ കോളേജിലാണ് ബിരുദ പഠനം പൂര്‍ത്തിയാക്കിയത്. ജവഹര്‍ ബാലവേദി മുന്‍ ജില്ലാ വൈസ് പ്രസിഡന്റ്, കെ.എസ്.യു മണ്ഡലം സെക്രട്ടറി, നിയോജകമണ്ഡലം വൈസ് പ്രസിഡന്റ് തുടങ്ങിയ സ്ഥാനങ്ങളിലും ആദിത്യ തന്റെ കഴിവ് തെളിയിച്ചിട്ടുണ്ട്. സംഘടനാ പ്രവര്‍ത്തനം കൂടുതല്‍ ഊര്‍ജ്ജസ്വലമായി മുന്നോട്ട് കൊണ്ടുപോകുമെന്ന് ആദിത്യ പറഞ്ഞു.