പേരാമ്പ്രയില്‍ റോഡ് ഷോയുമായി എപി അബ്ദുള്ളക്കുട്ടി
പേരാമ്പ്ര: തദ്ദേശ തിരഞ്ഞെടുപ്പ് പ്രചാരണത്തിന്‍റെ ഭാഗമായി പേരാമ്പ്രയില്‍ റോഡ് ഷോ നടത്തി ബി.ജെ.പി ദേശീയ ഉപാധ്യക്ഷന്‍ എ.പി. അബ്ദുള്ളക്കുട്ടി . പേരാമ്പ്ര ചെമ്പ്ര റോഡ് ജങ്ഷനില്‍നിന്നാരംഭിച്ച റോഡ് ഷോ മാര്‍ക്കറ്റ് പരിസരത്ത് സമാപിച്ചു. പേരാമ്പ്ര പഞ്ചായത്തിലെ മുഴുവന്‍ വാര്‍ഡുകളിലെയും ബ്ലോക്ക്, ജില്ല ഡിവിഷന്‍ എന്‍.ഡി.എ സ്ഥാനാർഥികളെയും അണിനിരത്തിയായിരുന്നു ദേശീയ ഉപാധ്യക്ഷന്‍റെ റോഡ് ഷോ.
ബി.ജെ.പി പേരാമ്പ്ര മണ്ഡലം പ്രസിഡൻറ് വി.സി. ബിനീഷ്, യുവമോര്‍ച്ച സംസ്ഥാന ട്രഷറര്‍ കെ. അനൂപ്, ബി.ജെ.പി നിയോജക മണ്ഡലം ജനറല്‍ സെക്രട്ടറിമാരായ കെ.എം. ഷിബി, രാഗേഷ് തമ്മല്‍, എ. ബാലചന്ദ്രന്‍, കെ. രാഘവന്‍ പഞ്ചായത്ത് പ്രസിഡൻറ് കെ.എന്‍. വിനു, ഇ.കെ. സുബീഷ്, ശ്രീജിത്ത് കല്ലോട്, ടി.പി. രാജേഷ്, പി. ബിജു കൃഷ്ണന്‍ എന്നിവര്‍ നേതൃത്വം നല്‍കി.