പാനും ആധാറും ബന്ധിപ്പിക്കാന്‍ ഇനി അഞ്ച് ദിവസം മാത്രം: ബന്ധിപ്പിക്കലുമായി അറിയേണ്ടതെല്ലാം, വിശദമായി
കോഴിക്കോട്: പാന്‍ കാര്‍ഡ് ആധാറുമായി ബന്ധിപ്പിക്കാത്തവര്‍ക്ക് ജൂലൈ ഒന്നുമുതല്‍ നിരവധി സാമ്പത്തിക പ്രത്യാഘാതങ്ങള്‍ നേരിടേണ്ടി വരും. നികുതിദായകരില്‍ നിന്ന് ഉയര്‍ന്ന ടിഡിഎസ് പിടിക്കുമെന്നാണ് റിപ്പോര്‍ട്ടുകള്‍. നിലവില്‍ പാന്‍ ആധാറുമായി ബന്ധിപ്പിക്കുന്നതിനുള്ള സമയപരിധി ജൂണ്‍ 30ന് അവസാനിക്കുകയാണ്.
1962 ലെ ആദായനികുതി നിയമം അനുസരിച്ച്‌ പാന്‍ ആധാറുമായി ബന്ധിപ്പിക്കാത്തവരില്‍ നിന്ന് 20 ശതമാനം ടിഡിഎസ് പിടിക്കും. സ്ഥിരനിക്ഷേപത്തിന്റെ പലിശ, ലാഭവിഹിതം തുടങ്ങിയവയില്‍ നിന്നാണ് ഉയര്‍ന്ന തോതിലുള്ള ടിഡിഎസ് പിടിക്കുക. നിക്ഷേപത്തില്‍ നിന്ന് ഉയര്‍ന്ന ടിഡിഎസ് പിടിക്കാതിരിക്കാന്‍ ബാങ്കിനെ സമീപിച്ച്‌ പാന്‍ ആധാറുമായി ബന്ധിപ്പിക്കുന്നതിനുള്ള നടപടികള്‍ സ്വീകരിക്കാനാണ് നിര്‍ദേശം.
പാന്‍ ആധാറുമായി ബന്ധിപ്പിച്ചില്ലെങ്കില്‍ സാമ്ബത്തിക ഇടപാടുകള്‍ നടത്തുന്നതിനും സര്‍ക്കാര്‍ ആനുകൂല്യങ്ങള്‍ ലഭിക്കുന്നതിനും തടസം നേരിടും.പാന്‍ ആധാറുമായി ബന്ധിപ്പിച്ചില്ലെങ്കില്‍ ആയിരം രൂപ പിഴയായും ഈടാക്കും. കൂടാതെ പാന്‍ പ്രവര്‍ത്തനരഹിതമാകും. പാന്‍ പ്രവര്‍ത്തനരഹിതമായാല്‍ സാമ്ബത്തിക ഇടപാടുകള്‍ നടത്താന്‍ സാധിക്കില്ല. ഇതുമായി ബന്ധപ്പെട്ട് പുതുക്കിയ മാര്‍ഗനിര്‍ദേശം കേന്ദ്രസര്‍ക്കാര്‍ പുറത്തിറക്കിയിരുന്നു.
വിവിധ ആവശ്യങ്ങള്‍ക്ക് ആധാറും പാനും നിര്‍ബന്ധമാണ്. സാമ്ബത്തിക ഇടപാടുകള്‍, സര്‍ക്കാരിന്റെ വിവിധ പദ്ധതികളുടെ ആനുകൂല്യം, ആദായനികുതി റിട്ടേണ്‍ സമര്‍പ്പിക്കല്‍ തുടങ്ങി വിവിധ ആവശ്യങ്ങള്‍ക്കാണ് ആധാറും പാനും ഉപയോഗിക്കുന്നത്. പാന്‍ ആധാറുമായി ബന്ധിപ്പിക്കാന്‍ നിരവധി മാര്‍ഗങ്ങളുണ്ട്. എസ്‌എംഎസ് അയച്ചോ ആദായനികുതി വകുപ്പിന്റെ വെബ്സൈറ്റില്‍ കയറിയോ പാന്‍ ആധാറുമായി ബന്ധിപ്പിച്ചിട്ടുണ്ടോ എന്ന് പരിശോധിക്കാനും സംവിധാനമുണ്ട്.
ആദായനികുതി വകുപ്പിന്റെ വെബ്സൈറ്റില്‍ കയറി ലിങ്ക് ആധാറില്‍ ക്ലിക്ക് ചെയത് മുന്നോട്ടുപോകാവുന്നതാണ്. സ്റ്റാറസ് ഓപ്ഷന്‍ തെരഞ്ഞെടുത്തശേഷം ആവശ്യമായ വിവരങ്ങള്‍ കൈമാറിയാല്‍ ആധാര്‍ പാനുമായി ബന്ധിപ്പിച്ചിട്ടുണ്ടോ എന്ന് അറിയാന്‍ സാധിക്കും. അല്ലാത്തപക്ഷം എസ്‌എംഎസ് അയച്ചും ഇത് സാധ്യമാക്കാം. 567678, 56161 എന്നി നമ്ബറുകളില്‍ പാന്‍, ആധാര്‍ നമ്ബറുകള്‍ നല്‍കി എസ്‌എംഎസ് അയച്ചാലും സ്റ്റാറസ് അറിയാന്‍ സാധിക്കും.