കൊയിലാണ്ടി : കൊയിലാണ്ടി കാരയാടില്‍ നടന്‍ വിജിലേഷ് വിവാഹിതനായി. കൊയിലാണ്ടി താലൂക്ക് ആശുപത്രിയില്‍ ഡിവൈഎഫ്‌ഐ സംഘടിപ്പിക്കുന്ന ഭക്ഷണ വിതരണ പദ്ധതിയ്ക്കായി ഒരു ദിവസത്തെ ഭക്ഷണത്തിന്റെ ചിലവ് സംഭാവനയായി നല്‍കിയാണ് വിജിലേഷ് വിവാഹിതനായത്.

കോഴിക്കോട് സ്വദേശിയായ സ്വാതി ഹരിദാസാണ് വധു. ബന്ധുക്കളുടേയും സുഹൃത്തുക്കളുടേയും സാന്നിധ്യത്തിലായിരുന്നു വിവാഹം. മുന്‍പ് തനിക്കൊരു വധുവിനെ വേണമെന്ന് പറഞ്ഞ് വിജിലേഷ് ഫേസ്ബുക്കിലെഴുതിയ കുറിപ്പ് വൈറലായിരുന്നു. വൈകാതെ തന്റെ വധുവിനെ കണ്ടുപിടിച്ചെന്ന് അറിയിച്ച് വിജിലേഷ് തന്നെ രംഗത്ത് എത്തി.മഹേഷിന്റെ പ്രതികാരത്തിലൂടെയാണ് വിജിലേഷ് ശ്രദ്ധിക്കപ്പെടുന്നത്. തുടര്‍ന്ന് ഗപ്പി, അലമാര, ചിപ്പി, വിമാനം, വരത്തന്‍ തുടങ്ങി നിരവധി ചിത്രങ്ങളില്‍ വേഷമിട്ടു. വരത്തന്‍ എന്ന ചിത്രത്തിലെ വേഷം വിജിലേഷിന്റെ അഭിനയ ജീവിതത്തില്‍ വഴിത്തിരിവായി മാറിയിരുന്നു.