താമരശ്ശേരിയില്‍ കിണറ്റില്‍ ചാടിയ കാട്ടുപന്നിയെ വെടിവെച്ച് കൊന്നു
താമരശ്ശേരി: കിണറ്റില്‍ ചാടിയ കാട്ടുപന്നിയെ വെടിവെച്ച് കൊന്നു. താമരശ്ശേരി ചുങ്കം ചെക്പോസ്റ്റിന് സമീപത്തെ റോഡരികിലുള്ള കയ്യേലിക്കുന്ന് മുഹമ്മദിന്‍റെ പറമ്പിലെ കിണറ്റിലാണ് കാട്ടുപന്നി ചാടിയത്.
വനം വകുപ്പ് ആര്‍.ആര്‍.ടിയുടെ നേതൃത്വത്തില്‍ പന്നിയെ കരക്ക് കയറ്റിയ ശേഷം വെടിവെച്ചു കൊല്ലുകയായിരുന്നു. കാട്ടുപന്നികളെ വെടിവെക്കാന്‍ അനുമതിയുള്ള തങ്കച്ചനാണ് വെടിവെച്ചത്. പന്നിക്ക് ഏകദേശം 85 കിലോഗ്രാം തൂക്കം വരും.
ഇന്നു രാവിലെയായിരുന്നു പന്നിയെ കരക്കു കയറ്റിയത്. ജഡം സംസ്കരിക്കാനായി വനം വകുപ്പ് പുതുപ്പാടി സെക്ഷന് ഓഫിസിലേക്ക് മാറ്റി.