ജെ ഇ ഇ മെയിന്‍ പരീക്ഷകളുടെ പുതുക്കിയ തീയതികള്‍ പ്രഖ്യാപിച്ചു;പരീക്ഷയ്ക്ക് രജിസ്റ്റര്‍ ചെയ്യാത്തവര്‍ക്ക് ഇനിയും അവസരം
ന്യൂഡല്‍ഹി : കൊവിഡിനെ തുടര്‍ന്ന് മാറ്റിവച്ച ജെ ഇ ഇ മെയിന്‍ പരീക്ഷകളുടെ പുതുക്കിയ തീയതികള്‍ പ്രഖ്യാപിച്ചു. മൂന്നാം സെഷന്‍ പരീക്ഷ ഈ മാസം ഇരുപതാം തീയതി മുതല്‍ ആരംഭിക്കും. 25 വരെയാണ് പരീക്ഷകള്‍ നടത്തുക. നാലാം സെഷന്‍ പരീക്ഷകള്‍ ഈ മാസം ഇരുപത്തിയേഴിന് ആരംഭിക്കും, ഓഗസ്റ്റ് രണ്ടുവരെയാണ് നാലാം സെഷന്‍ പരീക്ഷകള്‍.
കൊവിഡിനെ തുടര്‍ന്ന് ഇനിയും പരീക്ഷയ്ക്ക് രജിസ്റ്റര്‍ ചെയ്യാനാവാത്തവര്‍ക്ക് അതിനുള്ള അവസരവുമുണ്ടാവും. ഇന്ന് മുതല്‍ എട്ടാം തീയതിവരെ മൂന്നാം മൂന്നാം സെഷന്‍ പരീക്ഷക്ക് അപേക്ഷിക്കാം. നാലാം സെഷന്‍ പരീക്ഷയ്ക്ക് ഇനിയും അപേക്ഷിക്കാത്തവര്‍ക്ക് ഒന്‍പതാം തീയതി മുതല്‍ പന്ത്രണ്ട് വരെ അപേക്ഷിക്കാനാവും.