കോ​ഴി​ക്കോ​ട്:​ ജി​ല്ല പ​ഞ്ചാ​യ​ത്തിന്റെ ന​ന്മ​ണ്ട ഡി​വി​ഷ​നി​ലേ​ക്കും കൂ​ട​ര​ഞ്ഞി പ​ഞ്ചാ​യ​ത്തി​ലെ കൂ​മ്പാ​റ, ഉ​ണ്ണി​കു​ളം പ​ഞ്ചാ​യ​ത്തി​ലെ വ​ള്ളി​യോ​ത്ത് വാ​ർ​ഡു​ക​ളി​ലേ​ക്കു​മു​ള്ള ഉ​പ​തെ​ര​ഞ്ഞെ​ടു​പ്പിന്റെ വോ​​ട്ടെ​ടു​പ്പ്​ പൂ​ർ​ത്തി​യാ​യി.

ന​ന്മ​ണ്ട ഡി​വി​ഷ​നി​ലെ അം​ഗ​വും ജി​ല്ല പ​ഞ്ചാ​യ​ത്ത്​ പ്ര​സി​ഡ​ൻ​റു​മാ​യി​രു​ന്ന കാ​ന​ത്തി​ൽ ജ​മീ​ല കൊ​യി​ലാ​ണ്ടി​യി​ൽ​നി​ന്നും കൂ​മ്പാ​റ വാ​ർ​ഡ്​ അം​ഗ​വും കൂ​ട​ര​ഞ്ഞി പ​ഞ്ചാ​യ​ത്ത്​ പ്ര​സി​ഡ​ൻ​റു​മാ​യി​രു​ന്ന ലിപത്തിലധികം ന്റോ ജോ​സ​ഫ്​ തി​രു​വ​മ്പാ​ടി​യി​ൽ​നി​ന്നും നി​യ​മ​സ​ഭ​യി​ലേ​ക്ക്​ തെ​ര​ഞ്ഞെ​ടു​ക്ക​പ്പെ​ട്ട​തി​നെ തു​ട​ർ​ന്നാ​ണ്​ ഉ​പ​തെ​ര​ഞ്ഞെ​ടു​പ്പ്​ വേ​ണ്ടി​വ​ന്ന​ത്. യു.​ഡി.​എ​ഫ് അം​ഗം മു​സ്​​ലിം ലീ​ഗി​ലെ ഇ. ​ഗം​ഗാ​ധ​രന്റെ മ​ര​ണ​ത്തെ തു​ട​ർ​ന്നാ​ണ് ഉ​ണ്ണി​കു​ളം വള്ളി​യോ​ത്ത്​ ഉ​പ​തെ​ര​ഞ്ഞെ​ടു​പ്പ് വ​ന്ന​ത്. മൂ​ന്നി​ട​ത്തെ​യും വോ​​ട്ടെ​ണ്ണ​ൽ ബു​ധ​നാ​ഴ്​​ച ന​ട​ക്കും.

ന​ന്മ​ണ്ട​യി​ൽ 62.54 ശ​ത​മാ​നം പോ​ളി​ങ്​

ന​ന്മ​ണ്ട ഡി​വി​ഷ​ൻ ഉ​പ​തെ​ര​ഞ്ഞെ​ടു​പ്പി​ൽ 62.54 ശ​ത​മാ​നം പോ​ളി​ങ്. എൽ.ഡി.​എ​ഫി​നാ​യി റ​സി​യ തോ​ട്ടാ​യി​യും യു.​ഡി.​എ​ഫി​നാ​യി കെ. ​ജമീല​യും എ​ൻ.​ഡി.​എ​ക്കാ​യി ഗി​രി​ജ വ​ലി​യ​വ​ള​പ്പി​ലു​മാ​ണ് മ​ത്സ​ര​രം​ഗ​ത്തു​ള്ള​ത്. പോ​ളി​ങ്​ പൊ​തു​വേ മ​ന്ദ​ഗ​തി​യി​ലാ​യി​രു​ന്നു.

പത്തിലധികം​പേ​രു​ള്ള ക്യൂ ​ഉ​ച്ച​വ​രെ ഉ​ണ്ടാ​യി​ല്ല. നൂ​റി​ല​ധി​കം പേ​ർ ഒട്ടുമിക്ക ബൂ​ത്തു​ക​ളി​ലും വോ​ട്ട് ചെ​യ്യാ​നെ​ത്തി​യി​ല്ല. ക​ഴി​ഞ്ഞ ത​വ​ണ 88 ശ​ത​മാ​ന​മാ​യി​രു​ന്നു പോ​ളി​ങ്. എ​ൽ.​ഡി.​എ​ഫ്, യു.​ഡി.​എ​ഫ് പ്ര​വ​ർ​ത്ത​ക​ർ സ​ജീ​വ​മാ​യി രം​ഗ​ത്തി​റ​ങ്ങി​യെ​ങ്കി​ലും ബി.​ജെ.​പി പ്ര​വ​ർ​ത്ത​ക​ർ ചി​ല ബൂത്തു​ക​ളി​ൽ മാ​ത്രം കേ​ന്ദ്രീ​ക​രി​ച്ച് പ്ര​വ​ർ​ത്തി​ച്ചു. 2020ലെ ​​തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫി​ലെ കാ​ന​ത്തി​ൽ ജ​മീ​ല 8094 വോ​ട്ടി​െൻറ ഭൂ​രി​പ​ക്ഷ​ത്തി​നാ​ണ് ജ​യി​ച്ച​ത്.

കൂ​മ്പാ​റ​യി​ൽ 87.21 ശ​ത​മാ​നം

കൂ​ട​ര​ഞ്ഞി ഗ്രാ​മ​പ​ഞ്ചാ​യ​ത്തി​ലെ കൂ​മ്പാ​റ വാ​ർ​ഡ് ഉ​പ​തെ​ര​ഞ്ഞെ​ടു​പ്പ് സ​മാ​ധാ​ന​പ​രം. 87.21 ആ​ണ് പോ​ളി​ങ്​ ശ​ത​മാ​നം. കൂ​മ്പാ​റ ഗ​വ. ട്രൈ​ബ​ൽ എ​ൽ.​പി സ്കൂ​ളി​ലാ​യി​രു​ന്നു പോ​ളി​ങ്​ ബൂ​ത്ത്. സു​നേ​ഷ് ജോ​സ​ഫ് (യു.​ഡി.​എ​ഫ്), ആ​ദ​ർ​ശ് ജോ​സ​ഫ് (എ​ൽ.​ഡി.​എ​ഫ്), ല​ജീ​ഷ് (എ​ൻ.​ഡി.​എ) എന്നി​വ​ർ​ക്ക് പു​റ​മേ ര​ണ്ടു സ്വ​ത​ന്ത്ര സ്ഥാ​നാ​ർ​ഥി​ക​ളു​മാ​ണ് മ​ത്സ​ര​രം​ഗ​ത്തു​ള്ള​ത്. ഇ​ട​തു​മു​ന്ന​ണി ഭ​രി​ക്കു​ന്ന ഗ്രാ​മ​പ​ഞ്ചാ​യ​ത്തി​ൽ വ്യ​ക്ത​മാ​യ ഭൂ​രി​പ​ക്ഷ​മു​ള്ള​തി​നാ​ൽ ഉ​പ​തെ​ര​ഞ്ഞെ​ടു​പ്പ് ഫ​ലം ഭ​ര​ണ​സ​മി​തി​യെ ബാധിക്കില്ല.

ഉ​ണ്ണി​കു​ള​ത്ത് 84 ശ​ത​മാ​നം പോ​ളി​ങ്

ഉ​ണ്ണി​കു​ളം പ​ഞ്ചാ​യ​ത്ത് വ​ള്ളി​യോ​ത്ത് 15ാം വാ​ർ​ഡി​ൽ ന​ട​ന്ന ഉപ​തെ​ര​ഞ്ഞെ​ടു​പ്പി​ൽ 84 ശ​ത​മാ​നം പോ​ളി​ങ് രേ​ഖ​പ്പെ​ടു​ത്തി. ര​ണ്ടു ബൂ​ത്തു​ക​ളി​ലാ​യി ആ​കെ​യു​ള്ള 1805 വോ​ട്ട​ർ​മാ​രി​ൽ 1516 പേ​ർ വോ​ട്ട് രേ​ഖ​പ്പെ​ടു​ത്തി.

വ​ലി​യ തി​ര​ക്കു​ക​ളി​ല്ലാ​തെ​യാ​ണ് വോ​ട്ടെ​ടു​പ്പ് പൂ​ർ​ത്തി​യാ​യ​ത്. ക​ഴി​ഞ്ഞ​ത​വ​ണ 453 വോ​ട്ടി​െൻറ ഭൂ​രി​പ​ക്ഷ​ത്തി​ൽ യു.​ഡി.​എ​ഫാ​ണ് വി​ജ​യി​ച്ച​ത്. ഒ.എം. ശ​ശീ​ന്ദ്ര​ൻ (യു.​ഡി.​എ​ഫ്), കെ.​വി. പു​ഷ്പ​രാ​ജ​ൻ (എ​ൽ.​ഡി.​എ​ഫ്), കരുണാ​ക​ര​ൻ മു​പ്പ​റ്റ​ച്ചാ​ലി​ൽ (എ​ൻ.​ഡി.​എ) എ​ന്നി​വ​രാ​ണ് മ​ത്സ​ര​രം​ഗ​ത്തു​ണ്ടാ​യി​രു​ന്ന​ത്.

വോ​ട്ടെ​ണ്ണ​ൽ ബു​ധ​നാ​ഴ്ച രാ​വി​ലെ ഉ​ണ്ണി​കു​ളം പ​ഞ്ചാ​യ​ത്ത് ഓ​ഫി​സി​ൽ ന​ട​ക്കും.

പേരാമ്പ്ര ന്യൂസ് ഡോട് കോമിന്റെ വാട്ട്സ്ആപ്പ് ഗ്രൂപ്പിൽ അംഗമാകാനായി ഇവിടെ ക്ലിക്ക് ചെയ്യുക.

പേരാമ്പ്ര ന്യൂസ് ഡോട് കോമിനെ കുറിച്ചുള്ള നിങ്ങളുടെ അഭിപ്രായങ്ങളും നിര്‍ദ്ദേശങ്ങളും വാട്ട്‌സ്ആപ്പിലൂടെ ഞങ്ങളെ അറിയിക്കാനായി ഇവിടെ ക്ലിക്ക് ചെയ്യുക.