നാദാപുരം: ചെക്യാട് പഞ്ചായത്തിലെ കായലോട്ട് ഒരു കുടുംബത്തിലെ നാല് പേരെ തീ പൊള്ളലേറ്റ നിലയില്‍ കണ്ടെത്തി. എല്ലാവരുടേയും നില ഗുരുതരമാണ്. താഴെ കീറിയ പറമ്പത്ത് രാജു (45), ഭാര്യ റീന (40), മക്കളായ സ്റ്റാലിഷ്, സ്റ്റഫിന്‍ എന്നിവർക്കാണ് തീ പൊള്ളലേറ്റിരിക്കുന്നത്. പുലര്‍ച്ചെ രണ്ടരയോടെ വീട്ടില്‍ നിന്ന് തീയും അലര്‍ച്ചെയും കേട്ട അയല്‍വാസികളാണ് ഇവരെ ഗുരുതരാവസ്ഥയില്‍ കണ്ടെത്തിയത്.

വീടിന്റെ ഒരു മുറി പൂര്‍ണമായി കത്തിയ നിലയിലാണ്. വീട്ടുപകരണങ്ങളും ജനലും തീ വിഴുങ്ങി. നാട്ടുകാര്‍ അറിയിച്ചതിനെ തുടര്‍ന്നു പാനൂര്‍ ഫയര്‍ ഫോഴ്‌സ് സ്ഥലത്തെത്തി തീ അണച്ചു. പൊള്ളലേറ്റ നാല് പേരെയും കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. എന്താണ് സംഭവമെന്ന് അന്വേഷിച്ചുവരികയാണെന്ന് പോലീസ് പറഞ്ഞു.