പേരാമ്പ്ര: ചങ്ങരോത്ത് പ്രദേശത്ത് ആയിരക്കണക്കിന് ശിഷ്യ ഗണങ്ങളുള്ള പി.സി ഗീത ടീച്ചറെ ആദരിച്ചു. നീണ്ട മുപ്പത്തിയാറ് വര്‍ഷം ചങ്ങരോത്ത് എം.യു.പി സ്‌കൂള്‍ അധ്യാപികയായിരുന്ന ടീച്ചര്‍ പ്രധാനാധ്യാപികയായിട്ടാണ് സര്‍വ്വീസില്‍ നിന്നും വിരമിച്ചത്. അധ്യാപക ദിനത്തില്‍ നടന്ന ഗുരുവന്ദനം പരിപാടിയുടെ ഭാഗമായി എം.എസ്.എഫ് ചങ്ങരോത്ത് പഞ്ചായത്ത് കമ്മിറ്റിയാണ് ടീച്ചറെ ആദരിച്ചത്.

ചടങ്ങില്‍ മണ്ഡലം യൂത്ത് ലീഗ് ജനറല്‍ സെക്രട്ടറി ശിഹാബ് കന്നാട്ടി ടീച്ചറെ പൊന്നാടയണിയിച്ച് ആദരിച്ചു. കൂടലോട്ട് ശാഖാ മുസ്ലിം ലീഗ് സെക്രട്ടറി ആപറ്റ മൂസ സാഹിബ് സ്‌നേഹോപഹാരം കൈമാറി. എം.എസ്.എഫ് ചങ്ങരോത്ത് പഞ്ചായത്ത് കമ്മിറ്റി പ്രസിഡന്റ് ജാസിം മുഹമ്മദ് അധ്യക്ഷത വഹിച്ചു.

പഞ്ചായത്ത് എം.എസ്.എഫ് ജനറല്‍ സെക്രട്ടറി മുഹമ്മദ് ഉനൈസ് പി ടി, മുന്‍ പ്രസിഡന്റ് മുഹമ്മദ് റഹീസ് പി.കെ, പഞ്ചായത്ത് യൂത്ത് ലീഗ് വൈസ് പ്രസിഡന്റ് സി.പി നസീര്‍, ബഹ്‌റൈന്‍ കെഎംസിസി പഞ്ചായത്ത് ജനറല്‍ സെക്രട്ടറി റഷീദ് കുരിക്കള്‍ കണ്ടി, യൂസുഫ് കുരിക്കള്‍ കണ്ടി, സി.പി മുനീര്‍, പഞ്ചായത്ത് എം.എസ്.എഫ് ഭാരവാഹികളായ മുഹമ്മദ് മിഖ്ദാദ് എ.ടി, ഷാനിഫ് കെ.കെ, മുഹമ്മദ് സാലിഹ് ഇ എന്നിവര്‍ പങ്കെടുത്തു.