പേ​രാ​മ്പ്ര: കോ​വി​ഡ് നിയന്ത്രണങ്ങളെ തുടര്‍ന്ന് തു​ട​ർ​ച്ച​യാ​യ ര​ണ്ടാം​വ​ർ​ഷ​വും പാ​ര​ല​ൽ കോ​ള​ജ് അ​ധ്യാ​പ​ക​രു​ടെ ജീ​വി​തം ദു​രി​ത​ത്തി​ലാ​യി. ക​ഴി​ഞ്ഞ വ​ർ​ഷം മാ​ർ​ച്ചി​ൽ ലോ​ക്ഡൗ​ൺ തു​ട​ങ്ങി​യ​തോ​ടെ അ​ട​ച്ച സ​മാ​ന്ത​ര സ്ഥാ​പ​ന​ങ്ങ​ൾ മൂ​ന്നു മാ​സം പ്ര​വ​ർ​ത്തി​ക്കു​മ്പോ​ഴേ​ക്കും വീ​ണ്ടും ലോ​ക് ഡൗ​ൺ വ​ന്ന​തോ​ടെ അ​ട​ക്കേ​ണ്ടി​വ​ന്നു. ഇതോടെയാണ് അധ്യാപകര്‍ സാമ്പത്തിക പ്രതിസന്ധിയിലായത്.

പേരാമ്പ്രയിലുള്‍പ്പെടെ ജി​ല്ല​യി​ൽ നൂ​റു​ക​ണ​ക്കി​ന് അ​ധ്യാ​പ​ക​രാ​ണ് ഈ ​മേ​ഖ​ല​യെ മാ​ത്രം ആ​ശ്ര​യി​ച്ച് ജീ​വി​ക്കു​ന്ന​ത്. മാ​സ​ങ്ങ​ളാ​യി ഇ​വ​ർ​ക്ക് ഒ​രു​വ​രു​മാ​ന​വും ഇ​ല്ലാ​ത്ത അ​വ​സ്ഥ​യാ​ണ്. ഹ​യ​ർ സെ​ക്ക​ൻ​ഡ​റി, വി​വി​ധ ബി​രു​ദം, പി.​ജി കോ​ഴ്​​സു​ക​ൾ എന്നിവ വി​വി​ധ പാ​ര​ല​ൽ കോ​ള​ജു​ക​ളി​ൽ ന​ട​ത്തു​ന്നു​ണ്ട്. കൂ​ടാ​തെ നി​ര​വ​ധി ട്യൂ​ഷ​ൻ സെൻറ​റു​ക​ളും പ്ര​വ​ർ​ത്തി​ക്കു​ന്നു​ണ്ട്. എന്നാല്‍ കൊവിഡ് നിയന്ത്രണങ്ങള്‍ നിലനില്‍ക്കുന്നതിനാല്‍ ഇവയൊന്നും തുറന്നു പ്രവര്‍ത്തിക്കാന്‍ സാധിക്കുന്നില്ല.

പാ​ര​ല​ൽ കോ​ള​ജു​ക​ളും ഓ​ൺ​ലൈ​ൻ ക്ലാ​സി​ലേ​ക്ക് മാ​റി​യി​ട്ടു​ണ്ടെ​ങ്കി​ലും ഓ​ഫ് ലൈ​ൻ ക്ലാ​സി​നെ അ​പേ​ക്ഷി​ച്ച് നാ​മ​മാ​ത്ര​മാ​യ വ​രു​മാ​നം മാ​ത്ര​മാ​ണ് അധ്യാപകര്‍ക്ക് ഇ​പ്പോ​ൾ ല​ഭി​ക്കു​ന്ന​ത്. സാ​മ്പ​ത്തി​ക​മാ​യി വ​ള​രെ പി​ന്നാ​ക്കം നി​ൽ​ക്കു​ന്ന കു​ട്ടി​ക​ളാ​ണ് സ​മാ​ന്ത​ര സ്ഥാ​പ​ന​ങ്ങ​ളി​ൽ പ​ഠി​ക്കു​ന്ന​വരില്‍ മിക്കതും. അ​തു​കൊ​ണ്ടു​ത​ന്നെ ഓ​ൺ​ലൈ​ൻ ക്ലാസിന്റെ ട്യൂ​ഷ​ൻ ഫീ​സൊ​ന്നും ഭൂ​രി​ഭാ​ഗ​വും ല​ഭി​ക്കു​ന്നി​ല്ല.

സ്ഥാപനത്തിന്റെ വാ​ട​ക, വൈ​ദ്യു​തി ഉ​ൾ​പ്പെ​ടെ വ​ലി​യ തു​ക മാ​നേ​ജ​ർ​മാ​ർ​ക്ക് ഓ​രോ മാ​സ​വും ന​ൽ​കേ​ണ്ടി​വ​രു​ന്നു. പ​ല സ്ഥാ​പ​ന​ങ്ങ​ളി​ലും ചി​ത​ല​രി​ച്ച് ഫ​ർ​ണി​ച്ച​ർ ഉ​ൾ​പ്പെ​ടെ ന​ശി​ച്ചു​പോ​യി​. ഈ ​ഒ​രു​വ​ർ​ഷ​ത്തി​നി​ട​ക്ക് പൂ​ട്ടി​പ്പോ​യ സ്ഥാ​പ​ന​ങ്ങ​ളും ഉ​ണ്ട്.

ഓ​ൺ​ലൈ​ൻ ക്ലാ​സെ​ടു​ക്കു​ന്ന സ്ഥാ​പ​ന​ങ്ങ​ളി​ലെ അ​ധ്യാ​പ​ക​രു​ടെ വ​രു​മാ​നം നാ​ലി​ലൊ​ന്നാ​യി കു​റ​ഞ്ഞു. ഭൂ​രി​ഭാ​ഗം പാ​ര​ല​ൽ കോ​ള​ജ് അ​ധ്യാ​പ​ക​ർ​ക്കും മ​ണി​ക്കൂ​റി​നാ​ണ് പൈ​സ ല​ഭി​ക്കു​ന്ന​ത്. കോ​ള​ജു​ക​ളി​ൽ ഒ​രു ക്ലാ​സി​ൽ പ​ര​മാ​വ​ധി 50 കു​ട്ടി​ക​ളു​ണ്ടാ​വും.

ഇ​ത്ത​രം അ​ഞ്ചും ആ​റും ബാ​ച്ചു​ക​ളു​ള്ള കോ​ള​ജു​ക​ളും ട്യൂ​ഷ​ൻ സെൻറ​റു​ക​ളും ഉ​ണ്ട്. ഒ​രു അ​ധ്യാ​പ​ക​ന് ദി​വ​സം അ​ഞ്ചു മു​ത​ൽ ഏ​ഴു​വ​രെ പി​രീ​ഡു​ക​ൾ ല​ഭി​ക്കാം. എ​ന്നാ​ൽ, ഓ​ൺ​ലൈ​ൻ ക്ലാ​സി​ൽ പ​രി​ധി​യി​ല്ലാ​തെ കു​ട്ടി​ക​ൾ​ക്ക് പ​ങ്കെ​ടു​ക്കാ​ൻ ക​ഴി​യു​ന്ന​തു​കൊ​ണ്ട് ദി​വ​സം വ്യ​ത്യ​സ്ത ക്ലാ​സു​ക​ളി​ൽ ആ​റ് പി​രീ​ഡ് എ​ടു​ക്കു​ന്ന അ​ധ്യാ​പ​ക​ന് ഓ​ൺ​ലൈ​ൻ ക്ലാ​സി​ൽ ഒ​രു മ​ണി​ക്കൂ​ർ കൊ​ണ്ട് എ​ല്ലാ ബാ​ച്ചി​നും ഒ​രേ​സ​മ​യം ക്ലാ​സെ​ടു​ക്കാം.

ഓ​ഫ്​​ലൈ​ൻ ക്ലാ​സി​നെ അ​പേ​ക്ഷി​ച്ച് നോ​ക്കു​മ്പോ​ൾ വ​ലി​യ വ​രു​മാ​ന​ന​ഷ്​​ട​വും അ​ധ്യാ​പ​ക​ർ​ക്ക് ഉ​ണ്ടാ​വു​ന്നു​ണ്ട്. ഓ​ഫ്​​ലൈ​ൻ ക്ലാ​സു​ക​ൾ ഉ​ട​ൻ ആ​രം​ഭി​ക്കാ​ൻ സാ​ധി​ക്കു​ന്നി​ല്ലെ​ങ്കി​ൽ വ​ലി​യ സാ​മ്പ​ത്തി​ക പ്ര​തി​സ​ന്ധി​യാ​യി​രി​ക്കും ഈ ​മേ​ഖ​ല​യി​ൽ ജോ​ലി ചെ​യ്യു​ന്ന​വ​ർ അ​നു​ഭ​വി​ക്കു​ക.

പേരാമ്പ്രയില്‍ നിരവധി പാരലല്‍ കേളേജുകളും ട്യൂഷന്‍ സെന്ററുകളും പി എസ് സി കോച്ചിംഗ് സെന്ററുകളും പ്രവര്‍ത്തിക്കുന്നുണ്ട്. കൊവിഡ് പ്രതിസന്ധിയെ തുടര്‍ന്ന് വിദ്യാഭ്യാസ സ്ഥാപനങ്ങള്‍ അടച്ചിട്ടതിനാല്‍ ഇതിനെ മാത്രം ആശ്രയിച്ച് ജീവിക്കുന്ന മിക്ക അധ്യാപകരും ഇപ്പോള്‍ സാമ്പത്തിക ബുദ്ധിമുട്ടിലാണ്. എല്ലാവര്‍ക്കും വാക്‌സിന്‍ ലഭ്യമായാല്‍ കാര്യങ്ങള്‍ പഴയസ്ഥിതിയിലാകുമെന്ന പ്രതീക്ഷയിലാണ് ഇവര്‍.