തിരുവനന്തപുരം: വാടകയ്ക്കെടുത്ത ക്യാമറയുമായി മുങ്ങിയയാളെ അതിസാഹസികമായി പിന്തുടർന്ന് പിടിച്ച് ക്യാമറയുടമ. തിരുവനന്തപുരം സ്വദേശി ബ്ലെസ്ലിയാണ് തന്റെ ക്യാമറയുമായി കടന്നുകളഞ്ഞയാളെ കാത്തിരുന്ന് പിടികൂടി പോലീസിനെ ഏൽപ്പിച്ചത്.

ഇക്കഴിഞ്ഞ ഒന്നാം തീയതിയാണ് ബിനു കൃഷ്ണൻ എന്ന യുവാവ് ബ്ലെസ്ലിയുടെ ക്യാമറയുമായി കടന്നു കളഞ്ഞത്. ക്യാമറ വാടകയ്ക്കെടുക്കുമ്പോൾ ഇയാൾ ഏൽപ്പിച്ച പാൻ കാർഡും ആധാറും വ്യാജമായിരുന്നുവെന്ന് കാണിച്ച് ബ്ലെസ്ലി തന്റെ ഇൻസ്റ്റാ​ഗ്രാം പേജിൽ ഇവയുടെ ചിത്രങ്ങൾ പോസ്റ്റ് ചെയ്തിരുന്നു.

 

View this post on Instagram

 

A post shared by Diligent Blesslee (@blessleemusic)

ഒരാഴ്ചയ്ക്ക് ശേഷമാണ് നാടകീയമായ സംഭവങ്ങളുണ്ടായത്. ബ്ലെസ്ലിയുടെ ഒരു സുഹൃത്ത് വഴി ബിനുവിനെ ഇടപാടിന് ക്ഷണിച്ചു. നേരിൽക്കാണാമെന്ന് പറഞ്ഞ ബിനുവിനെ വരുന്ന സമയത്ത് പിടികൂടാൻ വേഷംമാറിയാണ് സംഘം വലവിരിച്ച് കാത്തിരുന്നത്. അൽപ്പസമയത്തിന് ശേഷം വന്ന ബിനുവിനെ ബ്ലെസ്ലിയും സുഹൃത്തുക്കളും ഇയാളെ സാഹസികമായി പിന്തുടർന്ന് പിടികൂടി.

 

View this post on Instagram

 

A post shared by Diligent Blesslee (@blessleemusic)

ഇതിന്റെ ദൃശ്യങ്ങളും ഇവർ പകർത്തിയിരുന്നു. ഈ സംഭവത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. ഇതേ ബിനു ഹൈദരാബാദിലും നെയ്യാറ്റിൻകരയിലും മോഷണം നടത്തിയില്ലേ എന്ന് ദൃശ്യത്തിൽ ചോദിക്കുന്നുണ്ട്.