കോഴിക്കോട്: കോഴിക്കോട് റെയില്‍വേ സ്റ്റേഷനില്‍ നിന്നും 15.75 കിലോ കഞ്ചാവ് പിടികൂടി. റെയില്‍വേ സ്റ്റേഷനില്‍ എക്സൈസും ആര്‍.പി.എഫും നടത്തിയ പരിശോധനയിലാണ് പോളിത്തീന്‍ കവറുകളിലാക്കി ബാഗുകളില്‍ ഒളിപ്പിച്ച കഞ്ചാവ് പിടിച്ചെടുത്തത്.

എക്സൈസിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. കഞ്ചാവിന്റെ ഉടമയെ കണ്ടെത്താനായി എക്സൈസ് അന്വേഷണം ഊര്‍ജ്ജിതമാക്കി. സ്റ്റേഷനില്‍ കഞ്ചാവെത്തിച്ചയാളെ പിടികൂടാനായി റെയില്‍വേ സ്റ്റേഷന്‍ പരിസരത്തെ സിസിടിവി ക്യാമറകള്‍ കേന്ദ്രീകരിച്ചും അന്വേഷണം ആരംഭിച്ചിട്ടുണ്ട്.