കോഴിക്കോട്: കൊടിയത്തൂർ പഞ്ചായത്തിലെ ചെറുവാടിയിൽ ഇന്ന് പുലർച്ചെയാണ് നാടിനെ നടുക്കിയ പൈശാചിക സംഭവം അരങ്ങേറിയത്. ഇരുപതുകാരിയായ ഭാര്യ മുഹസിലയെയാണ് ഭർത്താവായ ഷഹീർ കഴുത്തറുത്ത് കൊന്നത്. പുലർച്ചെ അഞ്ച് മണിക്കായിരുന്നു സംഭവം നടന്നത്. മൃതദേഹം മെഡിക്കൽ കോളേജ് മോർച്ചറിയിലേക്ക് മാറ്റി. പ്രതിയെ മുക്കം പോലീസ് കസ്റ്റഡിയിലെടുത്ത് ചോദ്യം ചെയ്തുകൊണ്ടിരിക്കുകയാണ്.

ആറ് മാസം മുൻപാണ് ഇവർ തമ്മിലുള്ള വിവാഹം നടന്നത്. ഷഹീറിന്റെ സംശയരോഗമാണ് കൊലപാതക കാരണം എന്നാണ് പോലീസിന്റെ പ്രാഥമിക നിഗമനം. ചോദ്യം ചെയ്യൽ പൂർത്തിയായാൽ മാത്രമേ കൊലപാതകം സംബന്ധിച്ച പൂർണ്ണ വിവരങ്ങൾ പുറത്തു വരികയുള്ളൂ.