കോ​ഴി​ക്കോ​ട്: കേരളത്തിലെ പുതിയ ഡിസിസി അധ്യക്ഷൻമാരുടെ പട്ടിക പ്രഖ്യാപിച്ചു. ഐ ​ഗ്രൂ​പ്പു​കാ​ര​നായ കെ. പ്രവീണ്‍ കു​മാ​ര്‍ കോഴിക്കോട് ഡി.സി.സി പ്ര​സി​ഡ​ണ്ടാവും.

ഐ ​ഗ്രൂ​പ്പു​കാ​രാ​യ ര​ണ്ട് കെ.​പി.​സി.​സി ഭാരവാഹി​ക​ൾ അവസാന നിമിഷംവരെ ശ്രമം ന​ട​ത്തി​യിരുന്നു. കെ.സി.അ​ബു​വി​ലൂ​ടെ നേ​ടി​യെ​ടു​ത്ത് പി​ന്നീ​ട് നി​ല​നി​ര്‍​ത്തി​യ ജി​ല്ല കോ​ണ്‍​ഗ്ര​സ് ക​മ്മി​റ്റി പ്രസി​ഡ​ന്‍​റ്​ സ്ഥാ​നം എ ​ഗ്രൂ​പ്പി​ന് നഷ്ടമായി. പി.ശ​ങ്ക​ര​നും, വീരാന്‍കുട്ടിയുമടക്കമുള്ള ഉ​റ്റ അ​നു​യാ​യി​ക​ളാ​യി​രു​ന്നു കെ. ക​രു​ണാ​ക​ര​ന്റെ പ്ര​താ​പ​കാ​ല​ത്ത് ഡി.​സി.​സി പ്ര​സി​ഡ​ന്‍​റു​മാ​രാ​യി​രു​ന്ന​ത്.

കെ. മു​ര​ളീ​ധ​ര​ന്റെ ഇടപെ​ട​ലും ജി​ല്ല​യി​ലെ കോ​ണ്‍​ഗ്ര​സ് നേ​തൃ​ത്വ​ത്തെ തീ​രു​മാ​നി​ക്കു​ന്ന​തി​ലു​ണ്ടാ​യി​രു​ന്നു. പിന്നീട് കെ.​സി.അ​ബു വ​ര്‍​ഷ​ങ്ങ​ളോ​ളം ഡി.സി.സി​യെ ന​യി​ച്ച​പ്പോ​ള്‍ ഐ ​ഗ്രൂ​പ് തീ​ര്‍​ത്തും ഒ​തു​ങ്ങി. ടി.സിദ്ദീഖ് ഗ്രൂ​പ്പു​ക​ള്‍​ക്ക് അ​തീ​ത​മാ​യി സം​ഘ​ട​ന​യെ ച​ലി​പ്പി​ച്ചെ​ങ്കി​ലും ഐ ​ഗ്രൂ​പ്പിന്റെ ചി​ല നേ​താ​ക്ക​ളു​ടെ സ​ഹ​ക​ര​ണ​മു​ണ്ട​യി​രു​ന്നി​ല്ല. സി​ദ്ദീ​ഖി​ന് ശേ​ഷ​മെ​ത്തി​യ യു.രാ​ജീ​വ​ന്റെ നേതൃത്വം ചുരുങ്ങിയ കാലത്തേക്ക് മാത്രമായി.

എം.​പി​മാ​രാ​യ കെ. ​മു​ര​ളീ​ധ​ര​ന്റെയും എം.​കെ. രാ​ഘ​വ​ന്റെയും കെ.പി.സി.​സി മു​ന്‍ പ്രസി​ഡ​ന്‍​റ്​ മു​ല്ല​പ്പ​ള്ളി രാ​മ​ച​ന്ദ്ര​ന്റെയും പി​ന്തു​ണ കെ.​പ്ര​വീ​ണ്‍ കു​മാ​റി​ന്റെ പേ​ര് ഒ​ന്നാ​മ​താ​യി പ​രി​ഗ​ണി​ക്കാ​ന്‍ പ്ര​ധാ​ന കാ​ര​ണ​മാ​യി.​വി​ദ്യാ​ര്‍​ഥി, യു​വ​ജ​ന​പ്ര​സ്ഥാ​ന​ങ്ങ​ളി​ലൂ​ടെ വ​ള​ര്‍​ന്നു വ​ന്ന ഈ ​നേ​താ​വി​ന് യു.​ഡി.​എ​ഫി​ലെ ഘ​ട​ക​ക​ക്ഷി​ക​ളു​മാ​യും അ​ടു​ത്ത ബ​ന്ധ​മു​ണ്ട്. എ ​ഗ്രൂ​പ്പി​നാ​ണെ​ങ്കി​ല്‍ അ​നു​യോ​ജ്യ​നാ​യ നേ​താ​വി​ന്റെ പേ​ര് മു​ന്നോ​ട്ടു വെ​ക്കാ​നാ​യി​ല്ല. കൊയിലാണ്ടി കീഴരിയൂർ സ്വദേശിയാണ് അഡ്വ.കെ.പ്രവീൺ കുമാർ.