കോഴിക്കോട് ജില്ലാ ഭരണകൂടത്തിൽ നിന്നുള്ള ഇന്നത്തെ അറിയിപ്പുകൾ (17/11/2021)
ജില്ലയിൽ കോവിഡ് നിയന്ത്രണങ്ങൾ ലംഘിച്ചതിന് 45 കേസുകൾ രജിസ്റ്റർ ചെയ്തു. സാമൂഹിക അകലം പാലിക്കാത്തതിനും പൊതുസ്ഥലങ്ങളിൽ കൂട്ടം കൂടി നിന്നതിനും കടകൾ കൃത്യസമയത്ത് അടയ്ക്കാത്തതിനും റൂറലിൽ രണ്ട് കേസുകൾ രജിസ്റ്റർ ചെയ്തു. നഗര പരിധിയിൽ കേസുകൾ രജിസ്റ്റർ ചെയ്തിട്ടില്ല. മാസ്ക് ധരിക്കാത്തതിന് റൂറലിൽ 25 കേസുകളും നഗര പരിധിയിൽ 18 കേസുകളും രജിസ്റ്റർ ചെയ്തു.
അന്താരാഷ്ട്ര ഭിന്നശേഷി ദിനാഘോഷത്തിന്റെ ഭാഗമായി ഉണര്‍വ് 2021 എന്ന പേരില്‍ സാമൂഹ്യനീതി വകുപ്പിന്റെ ആഭിമുഖ്യത്തില്‍ ഭിന്നശേഷി കലോത്സവം സംഘടിപ്പിക്കുന്നു. കോവിഡ് പശ്ചാത്തലത്തിൽ ഓണ്‍ലൈന്‍ ആയാണ് കലോത്സവം സംഘടിപ്പിക്കുന്നത്. നിബന്ധനകള്‍ : കഥാരചന – എല്ലാ വിഭാഗം ഭിന്നശേഷിക്കാര്‍ക്കും പങ്കെടുക്കാം. എന്നാല്‍ മത്സരത്തില്‍ അയക്കുന്ന കഥ മറ്റ് മാധ്യമങ്ങളില്‍ പ്രസിദ്ധീകരിച്ചവയാകരുത്. പാട്ട് (സിങ്കിള്‍, ഗ്രൂപ്പ്) ഇഷ്ടമുളള പാട്ട് പാടുന്ന മൂന്ന് മിനിറ്റ് മുതല്‍ പരമാവധി അഞ്ച് മിനിറ്റ് വരെ ദൈര്‍ഘ്യമുളള വീഡിയോ റെക്കോര്‍ഡ് ചെയ്ത് അയക്കണം. ഉപന്യാസ രചന – ‘കോവിഡും ഭിന്നശേഷിക്കാരുടെ ആരോഗ്യ പരിപാലനവും’ എന്ന വിഷയത്തില്‍ പൂര്‍ത്തിയാക്കിയ ശേഷം jpeg/pdf ഫോര്‍മാറ്റില്‍ സ്‌കാന്‍ ചെയ്ത് അയക്കുക.
മത്സരത്തില്‍ ഫോട്ടോ/വീഡിയോകള്‍ pwddaykkd@gmail.com ഇ – മെയിലിലേക്ക് നവംബര്‍ 25 നകം മത്സരാര്‍ത്ഥികളുടെ ഭിന്നശേഷി സര്‍ട്ടിഫിക്കറ്റിന്റെ പകര്‍പ്പ് കൂടി ഉളളടക്കം ചെയ്ത് അയക്കണമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു. വിശദ വിവരങ്ങള്‍ക്ക് : www.swd.kerala.gov.in സന്ദര്‍ശിക്കുക. ഫോണ്‍ : 0495 2371911.
യൂത്ത് ക്ലബ്ബ് അവാര്‍ഡിന് അപേക്ഷ ക്ഷണിച്ചു
യുവജന ക്ഷേമ കായിക മേഖലകളില്‍ മികച്ച പ്രവര്‍ത്തനങ്ങള്‍ നടത്തുന്ന യൂത്ത് ക്ലബ്ബുകള്‍ക്കുള്ള അവാര്‍ഡിന് നെഹ്‌റു യുവകേന്ദ്ര അപേക്ഷ ക്ഷണിച്ചു. ആരോഗ്യം, കുടുംബക്ഷേമം, ശുചീകരണ പ്രവര്‍ത്തനം, തൊഴില്‍ പരിശീലനം, നൈപുണ്യ പരിശീലനം, സ്ത്രീ ശാക്തീകരണം, പരിസ്ഥിതി സംരക്ഷണം,സാക്ഷരത -വിദ്യാഭ്യാസ പ്രവര്‍ത്തനങ്ങള്‍ സാമൂഹിക ക്ഷേമ പ്രവര്‍ത്തനം ദേശീയ-അന്തര്‍ദേശീയ ബോധവല്‍ക്കരണം തുടങ്ങിയ മേഖലകളില്‍ 2020 ഏപ്രില്‍ ഒന്ന് മുതല്‍ 2021 മാര്‍ച്ച് 31 വരെ നടത്തിയ പ്രവര്‍ത്തനങ്ങള്‍ വിലയിരുത്തി ജില്ലാ കളക്ടര്‍ ചെയര്‍മാനായുള്ള സമിതിയാണ് അവാര്‍ഡിനര്‍ഹമായ സംഘടനയെ തെരഞ്ഞെടുക്കുന്നത്. ജില്ലാതല അവാര്‍ഡിന് തിരഞ്ഞെടുക്കപ്പെടുന്ന യൂത്ത് ക്ലബ്ബിന് 25,000 രൂപയും പ്രശസ്തി പ്രതവും നല്‍കും. 75,000 രൂപയുടെ സംസ്ഥാനതല അവാര്‍ഡിന് നാമനിര്‍ദ്ദേശം ചെയ്യുകയും ചെയ്യും. സംസ്ഥാന അവാര്‍ഡ് നേടുന്ന പക്ഷം ദേശീയ അവാര്‍ഡിന് പരിഗണിക്കും. ദേശീയ തലത്തില്‍ 3 ലക്ഷം, ഒരു ലക്ഷം 50,000 രൂപ ക്രമത്തില്‍ മൂന്ന് അവാര്‍ഡുകള്‍ ആണ് ഉള്ളത്. കഴിഞ്ഞ 2 വര്‍ഷങ്ങളില്‍ അവാര്‍ഡ് ലഭിച്ചവര്‍ അപേക്ഷ നല്‍കേണ്ടതില്ല. ജില്ലാതല അവാര്‍ഡിന് കോഴിക്കോട് നെഹ്‌റു യുവകേന്ദ്രത്തില്‍ അഫിലിയേറ്റ് ചെയ്ത യൂത്ത് ക്ലബ്ബില്‍ നിന്നും അപേക്ഷ ക്ഷണിച്ചു. നിശ്ചിത മാതൃകയിലുള്ള അപേക്ഷ കഴിഞ്ഞ സാമ്പത്തിക വര്‍ഷം നടത്തിയ പരിപാടികളുടെ റിപ്പോര്‍ട്ട്, ഫോട്ടോ, പത്ര കട്ടിങ്ങുകള്‍, ചാര്‍ട്ടേഡ് അക്കൗണ്ടന്റ് ഓഡിറ്റ് ചെയ്ത വരവ് ചെലവ് കണക്കുകള്‍ എന്നിവ സഹിതം ഡിസംബര്‍ ഒന്നിനകം ജില്ലാ യൂത്ത് ഓഫീസര്‍, നെഹ്‌റു യുവകേന്ദ്ര, സിവില്‍ സ്റ്റേഷന്‍, കോഴിക്കോട് 673020 എന്ന വിലാസത്തില്‍ ലഭിച്ചിരിക്കണം. അപേക്ഷാഫോറം ലഭിക്കുന്നതിന് kozhikodenyk@gmail.com എന്ന ഈമെയിലില്‍ അപേക്ഷിക്കാമെന്ന് ജില്ലാ യൂത്ത് ഓഫീസര്‍ അറിയിച്ചു. ഫോണ്‍: 0495-2371891,9447752234
എളേരിത്തട്ട് ഇ.കെ. നായനാര്‍ മെമ്മോറിയല്‍ ഗവ. കോളേജില്‍ ബി.എസ്.സി ഫിസിക്‌സ്, ബി.എ ഇംഗ്ലീഷ്, ബി.എ ഹിന്ദി കോഴ്‌സുകളില്‍ എസ് സി/എസ് ടി, പൊതു വിഭാഗങ്ങളില്‍ സീറ്റുകള്‍ ഒഴിവുണ്ട്. പ്രവേശനം ആഗ്രഹിക്കുന്ന വിദ്യാര്‍ത്ഥികള്‍ സര്‍ട്ടിഫിക്കറ്റുകളുടെ പകര്‍പ്പ് സഹിതം നവംബര്‍ 19 ന് വൈകീട്ട് മൂന്ന് മണിക്കകം കോളേജില്‍ നേരിട്ട് അപേക്ഷ സമര്‍പ്പിക്കണം. ബിരുദ പ്രവേശനത്തിന് ഓണ്‍ലൈന്‍ അപേക്ഷ നല്‍കാത്ത വിദ്യാര്‍ത്ഥികള്‍ക്കും അപേക്ഷിക്കാമെന്ന് പ്രിന്‍സിപ്പാള്‍ അറിയിച്ചു.
ക്വട്ടേഷന്‍ ക്ഷണിച്ചു
കോഴിക്കോട് തുറമുഖ പരിധിയിലുളള കസ്റ്റംസ് റോഡിലെ തുറമുഖ ഗോഡൗണിന്റെ കിഴക്കേ അറ്റത്തുളള മുറി ഒരു വര്‍ഷത്തേക്ക് പ്രതിമാസ ലൈസന്‍സ് ഫീസടിസ്ഥാനത്തില്‍ നല്‍കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ നവംബര്‍ 22 ന് ഉച്ച 12 മണി വരെ കോഴിക്കോട് പോര്‍ട്ട് ഓഫീസറുടെ ബേപ്പൂരിലുളള ഓഫീസില്‍ സ്വീകരിക്കും. ഫോണ്‍ : 0495 2414863, 2767709.
ടെണ്ടര്‍ ക്ഷണിച്ചു
എസ്.സി.കോര്‍പ്പസ് ഫണ്ട്- 2021-22 വാര്‍ഷിക പദ്ധതിയിലുള്പ്പെടുത്തിയിട്ടു
ഗസ്റ്റ് അസിസ്റ്റന്റ് പ്രൊഫസര്‍ നിയമനം
കോഴിക്കോട് സര്‍ക്കാര്‍ എഞ്ചിനീയറിംഗ് കോളേജില്‍ ഇലക്ട്രിക്കല്‍ ആന്‍ഡ് ഇലക്ട്രോണിക്‌സ് എഞ്ചിനീയറിംഗ് വിഷയത്തില്‍ അസിസ്റ്റന്റ് പ്രൊഫസര്‍ തസ്തികയിലേക്ക് ദിവസവേതനാടിസ്ഥാനത്തില്‍ അതിഥി അദ്ധ്യാപക നിയമനത്തിനുള്ള അഭിമുഖം നവംബര്‍ 22 ന് നടത്തും. സമയം രാവിലെ പത്തുമണി. ഉദ്യോഗാര്‍ത്ഥികള്‍ക്ക് എ.ഐ.സി.ടി.ഇ, കേരള പി എസ് സി നിര്‍ദ്ദേശിച്ച വിദ്യാഭ്യാസ യോഗ്യതകള്‍ ഉണ്ടായിരിക്കണം. കൂടുതല്‍ വിവരങ്ങള്‍ക്ക് http://geckkd.ac.in എന്ന വെബ് സൈറ്റ് സന്ദര്‍ശിക്കുക.
ജില്ലാ പഞ്ചായത്തിന്റെ 2021-22 സാമ്പത്തിക വര്‍ഷത്തെ പദ്ധതിയില്‍ ഉള്‍പ്പെടുത്തിയിട്ടുള്ള ജാഗ്രതാ സമിതി പദ്ധതി പ്രകാരം ജാഗ്രതാ സമിതി ബുക്ക് ലെറ്റ് തയ്യാറാക്കുന്നതിന് ടെണ്ടര്‍ ക്ഷണിച്ചു. അവസാന തീയതി നവംബര്‍ 18 രാവിലെ 11 മണി വരെ. ഫോണ്‍ – 0495-2370750, 9188969212.
പേരാമ്പ്ര സര്‍ക്കാര്‍ ഐ.ടി.ഐ.യില്‍ കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ് ട്രേഡില്‍ താത്ക്കാലിക ഇന്‍സ്ട്രക്ടറെ നിയമിക്കുന്നു. മതിയായ യോഗ്യതയുള്ളവര്‍ യോഗ്യത തെളിയിക്കുന്ന അസല്‍ പ്രമാണങ്ങളും അവയുടെ പകര്‍പ്പും സഹിതം നവംബര്‍
20 ന് രാവിലെ 11 മണിക്ക് പ്രിന്‍സിപ്പാള്‍ മുമ്പാകെ ഹാജരാകണം.
കൂടുതല്‍ വിവരങ്ങള്‍ക്ക് . 8075642466.
ക്വട്ടേഷന്‍ ക്ഷണിച്ചു
കോഴിക്കോട് ഗവ. എഞ്ചിനീയറിങ്ങ് കോളേജിലെ എ.ഇ ആന്റ് ഐ എഞ്ചിനീയറിംഗ് വിഭാഗത്തില്‍ ഡി.എസ്.പി ലാബിലെ മൂന്ന് കമ്പ്യൂട്ടറുകള്‍ റിപ്പയര്‍ ചെയ്യുന്നതിന് ക്വട്ടേഷന്‍ ക്ഷണിച്ചു. അവസാന തീയതി നവംബര്‍ 30 ന് വൈകീട്ട് മൂന്ന് മണി. ഫോണ്‍ : 0495 2383220, 2383210. വെബ്‌സൈറ്റ് : www.geckkd.ac.in.
ഒ.ബി.സി. പോസ്റ്റ് മെട്രിക് സ്‌കോളര്‍ഷിപ്പ്
സംസ്ഥാനത്തെ ഒ.ബി.സി. വിഭാഗത്തില്‍പ്പെട്ടതും കേരളത്തിന് പുറത്ത് ദേശീയ പ്രാധാന്യമുള്ള വിദ്യാഭ്യാസ സ്ഥാപനങ്ങളില്‍ അഖിലേന്ത്യാ അടിസ്ഥാനത്തില്‍ 2021-22 വര്‍ഷത്തേക്ക് പ്രവേശനം ലഭിച്ചവരുമായ വിദ്യാര്‍ത്ഥികള്‍ക്ക് ഒ.ബി.സി. പോസ്റ്റ് മെട്രിക് സ്‌കോളര്‍ഷിപ്പ് നല്‍കുന്നതിന് പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു. അവസാന തീയതി ഡിസംബര്‍ 10. വിശദാംശങ്ങള്‍ www.bcdd.kerala.gov.in എന്ന വെബ്‌സൈറ്റില്‍ ലഭ്യമാണ്. ഇ- മെയില്‍ : bcddkkd@gmail.com. ഫോണ്‍: 0495 2377786.
ഐസിഡിഎസ് അര്‍ബന്‍ 3 കോഴിക്കോട് ഓഫീസിന് കീഴിലെ നമ്പർ 120 അങ്കണവാടി ചായം പദ്ധതി പ്രകാരം നവീകരിക്കുന്നതിന് ടെണ്ടര്‍ ക്ഷണിച്ചു. അവസാന തീയതി നവംബര്‍ 30. ഫോണ്‍ : 0495 2461197, 8281999308.
ലാബിൽ തൊഴിലവസരം
‘നിപ്പ’ പോലുള്ള സാംക്രമികരോഗങ്ങള്‍ കണ്ടെത്തുന്നതിന് കോഴിക്കോട് ഗവ. മെഡിക്കല്‍ കോളജിലെ മൈക്രോ ബയോളജി വകുപ്പിന് കീഴിലെ വി.ആര്‍.ഡിഎല്‍. ലാബില്‍ വിവിധ തസ്തികകളിലേക്ക് നിശ്ചിത യോഗ്യതയുള്ളവരില്‍ നിന്നും അപേക്ഷ ക്ഷണിച്ചു.
വിശദവിവരം കോഴിക്കോട് മെഡിക്കല്‍ കോളജിന്റെ www.
റിസര്‍ച്ച് സൈൻ്റിസ്റ്റ് (ബി- മെഡിക്കല്‍), റിസര്‍ച്ച് സൈസ്റ്റ് (സി-മെഡിക്കല്‍), ഡാറ്റ എന്‍ട്രി ഓപ്പറേറ്റര്‍, മള്‍ട്ടി ടാസ്‌കിങ് സ്റ്റാഫ് (ടെക്‌നിക്കല്‍), മള്‍ട്ടി ടാസ്‌കിങ് സ്റ്റാഫ് (ജനറല്‍) തസ്തികകളിലേക്ക് ഒരോ ഒഴിവ് വീതവും ലാബ് ടെക്‌നീഷ്യൻ്റെ മൂന്ന് ഒഴിവുകളുമാണ് ഉളളത്.
ജില്ലയില്‍ ഉപതെരഞ്ഞെടുപ്പ് നടക്കുന്ന ജില്ലാ പഞ്ചായത്ത് നന്മണ്ട ഡിവിഷനിൽ ഇതുവരെ ലഭിച്ചത് രണ്ട് പത്രികകൾ. ഡിസംബര്‍ ഏഴിന് നടക്കുന്ന തെരഞ്ഞെടുപ്പില്‍ അവധി ദിവസമൊഴികെ നവംബര്‍ 19 വരെ നാമനിര്‍ദ്ദേശ പത്രിക സമര്‍പ്പിക്കാം. രാവിലെ 11 മുതല്‍ വൈകിട്ട് മൂന്ന് വരെയാണ് പത്രിക സമര്‍പ്പിക്കാനുള്ള സമയം. സൂക്ഷ്മ പരിശോധന 20ന് നടക്കും. പത്രിക പിന്‍വലിക്കാനുള്ള അവസാന തിയ്യതി നവംബര്‍ 22 ആണ്.
ജില്ലയിലെ 65 കോവിഡ് ആശുപത്രികളിൽ 2,641 കിടക്കകളിൽ 1,882 എണ്ണം ഒഴിവുണ്ട്. 128 ഐ.സി.യു കിടക്കകളും 66 വെന്റിലേറ്ററുകളും ഓക്സിജൻ ലഭ്യതയുള്ള 552 കിടക്കകളും ഒഴിവുണ്ട്. 15 ഗവൺമെന്റ് കോവിഡ് ആശുപത്രികളിലായി 339 കിടക്കകൾ, 22 ഐ.സി.യു, 22 വെന്റിലേറ്റർ, 277 ഓക്സിജൻ ഉള്ള കിടക്കകളും ബാക്കിയുണ്ട്.
നാല് സി.എഫ്.എൽ.ടി.സികളിലായി 325 കിടക്കകളിൽ 323 എണ്ണം ബാക്കിയുണ്ട്. ഒരു സി.എസ്.എൽ. ടി.സിയിൽ 187 എണ്ണം ഒഴിവുണ്ട്. 66 ഡോമിസിലിയറി കെയർ സെന്ററുകളിൽ ആകെയുള്ള 1,624 കിടക്കകളിൽ 1,331 എണ്ണം ഒഴിവുണ്ട്.