പേരാമ്പ്ര : കോവിന്‍ സൈറ്റില്‍ വാക്‌സിന് ബുക്ക് ചെയ്യുക എന്നത് പലര്‍ക്കും ഒരു പരീക്ഷണമായി മാറിയിരിക്കുകയാണ്. വാക്‌സിന്‍ ബുക്കിംഗ് ആരംഭിച്ചു എന്ന് കേള്‍ക്കുമ്പോള്‍ തന്നെ സൈറ്റില്‍ കയറുന്ന പലരും കാണുന്നത് സ്ലോട്ടുകള്‍ മുഴുവന്‍ ബുക്കായ വാക്‌സിനേഷന്‍ സെന്ററുകളാണ്. എന്നാല്‍ ബുക്കിംഗ് എളുപ്പമാക്കാന്‍ http://vaccinefind.in/ വെബ്‌സൈറ്റ് നിങ്ങളെ സഹായിക്കും.

ലാപ്‌ടോപ്പിലും മൊബൈല്‍ഫോണിലും ഈ വെബ്‌സൈറ്റ് വഴി വാക്‌സിന്‍ സ്ലോട്ട് തിരയാന്‍ എളുപ്പമാണ്. മറ്റുള്ള സൈറ്റുകള്‍ ഒരാഴ്ചത്തെ സ്ലോട്ടുകള്‍ കാണിക്കുമ്പോള്‍ ഇതില്‍ അടുത്ത രണ്ട് ആഴ്ചത്തെ വാക്സിന്‍ സ്ലോട്ടുകള്‍ നമുക്ക് കണ്ടെത്തിത്തരും എന്നതാണ് ഈ സൈറ്റിനെ മറ്റുള്ളവയിലും നിന്നു വ്യത്യസ്തമാക്കുന്നത്. വാക്സിന്‍ ലഭ്യമായ ദിവസങ്ങള്‍ പച്ച നിറത്തില്‍ രേഖപ്പെടുത്തി കാണിക്കുന്നത് കാരണം വേഗത്തില്‍ ഒഴിവുള്ള തീയതി കണ്ടെത്തി ബുക്ക് ചെയ്യാനുമാകും.

വാക്സിന്‍ സ്ലോട്ടുകളുടെ ലഭ്യത ഓരോ 30 സെക്കന്റിലും ചെക്ക് ചെയ്യുന്നതിലൂടെ ആളുകള്‍ക്ക് വാക്സിന്‍ വരുന്നത് പെട്ടെന്നു തന്നെ അറിയാന്‍ സാധിക്കുന്നു. അഥവാ സ്ലോട്ടുകള്‍ ലഭ്യമല്ലെങ്കില്‍, വെബ്‌സൈറ്റ് ഓട്ടോമാറ്റിക് ആയി അടുത്ത ലഭ്യമായ വാക്സിന്‍ സ്ലോട്ട് തിരയുകയും ആളുകളെ ബ്രൗസറില്‍ സൗണ്ട് വഴി അറിയിക്കുകയും ചെയ്യും.

ഒരു തവണ സംസ്ഥാനവും ജില്ലയും തിരഞ്ഞെടുത്താല്‍, പിന്നീട് ബ്രൌസര്‍ തുറക്കുമ്പോള്‍ത്തന്നെ വാക്സിന്‍ സ്ലോട്ട് ലഭ്യമാണോ എന്നത് നമുക്ക് അറിയാന്‍ സാധിക്കും .നമ്മള്‍ തിരഞ്ഞെടുക്കുന്ന ഓപ്ഷനുകള്‍ ബ്രൗസറില്‍ സേവ് ചെയ്യുന്നതിലൂടെ വാക്സിന്‍ തിരയുന്ന പ്രക്രിയ വളരെ ആയാസ രഹിതമാകുന്നു. പെട്ടെന്നു സ്ലോട്ടുകള്‍ കണ്ടെത്തുന്നതിന് 40 + ഫില്‍ട്ടറും, ഡോസ് 1 , ഡോസ് 2 ഫില്‍ട്ടറും സൈറ്റില്‍ നല്‍കിയിട്ടുണ്ട്.

മലയാളം ഉള്‍പ്പടെ 11 ഭാഷകളില്‍ ഈ വെബ്‌സൈറ്റ് ലഭ്യമാണ്. ങമവൌുടമേരസ ഉം കേരളാപോലീസ് സൈബര്‍ഡോമും ചേര്‍ന്നാണ് ഈ വെബ്‌സൈറ്റ് വികസിപ്പിച്ചെടുത്തത്.