കൊയിലാണ്ടി: മുപ്പതാം വാർഷിക സമ്മേളനത്തിൻ്റെ ഭാഗമായി കെഎസ്ടിഎ പതാകദിനാചരണവും പൊതുയോഗവും സംഘടിപ്പിച്ചു. വിദ്യാലയങ്ങളിൽ രാവിലെ പതാക ഉയർത്തി. പതാകദിനത്തോടനുബന്ധിച്ച്
കൊയിലാണ്ടി ബസ്സ് സ്റ്റാൻഡ് പരിസരത്ത് വെച്ച് നടത്തിയ പൊതുയോഗം കെഎസ്ടിഎ ജില്ലാ വൈസ് പ്രസിഡണ്ട് വി.പി.സദാനന്ദൻ ഉദ്ഘാടനം ചെയ്തു.

സബ് ജില്ല പ്രസിഡണ്ട് ഗണേശ് കക്കഞ്ചേരി അധ്യക്ഷത വഹിച്ചു. ആർ.എം.രാജൻ, കെ.ശാന്ത, ആർ.കെ.ദീപ എന്നിവർ സംസാരിച്ചു.
വിദ്യാഭ്യാസ രംഗത്തെ കേരള കേന്ദ്രനയങ്ങളെ താരതമ്യം ചെയ്ത് കൊണ്ട് ഡോ.പി.കെ.ഷാജി മുഖ്യഭാഷണം നടത്തി. സബ് ജില്ലാ സെക്രട്ടറി സി.ഉണ്ണികൃഷ്ണൻ സ്വാഗതവും ഡോ.രഞ്ജിത്ത് ലാൽ നന്ദിയും പറഞ്ഞു.