പേരാമ്പ്ര: കൂത്താളി ഗ്രാമപഞ്ചായത്ത് 2021- 22 വര്‍ഷത്തെ വനിതകള്‍ക്കുള്ള കറവപ്പശു വിതരണം പദ്ധതിയുടെ ഉദ്ഘാടനം കൂത്താളി ഗ്രാമപഞ്ചായത്ത് പ്രസിഡന്റ് ബിന്ദു കെ. കെ ഉദ്ഘാടനം ചെയ്തു. പദ്ധതിയിലെ ഗുണഭോക്താവായ ജാനു ചെങ്കരയ്ക്കലിന് കറവപ്പശുവിനെ നല്‍കിക്കൊണ്ടായിരുന്നു ഉദ്ഘാടന പരിപാടി. പദ്ധതിയുടെ ഭാഗമായി കൂത്താളി ഗ്രാമ പഞ്ചായത്തിലെ തിരഞ്ഞെടുക്കപ്പെട്ട 13 ഗുണഭോക്താക്കള്‍ക്ക് കറവപ്പശുവിനെ വാങ്ങുന്നതിന് മുപ്പതിനായിരം രൂപ സബ്‌സിഡി നല്കുന്നതാണ് പദ്ധതി.

ചടങ്ങില്‍ കൂത്താളി ഗ്രാമപഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ നളിനി പി, വാര്‍ഡ് മെമ്പര്‍മാരായ സാവിത്രി, പൂളകണ്ടി കുഞ്ഞമ്മദ്, വെറ്ററിനറി സര്‍ജന്‍ ഡോ. ശബരീഷ് എസ്, സ്റ്റാഫ് രജനി എം എന്നിവര്‍ പങ്കെടുത്തു.