കാസര്‍കോട്: യുവതിയേയും മൂന്ന് മാസം പ്രായമായ കൈക്കുഞ്ഞിനേയും കിണറില്‍ മരിച്ച നിലയിൽ കണ്ടെത്തി. നീലേശ്വരം കടിഞ്ഞിമൂലയിലെ പരേതനായ മടുപ്പില്‍ കൃഷ്ണന്‍-മാധവി ദമ്പതികളുടെ മകളായ രമ്യ (31)യാണ് വീടിന് തൊട്ടടുത്ത കിണറിൽ മരിച്ച നിലയിൽ കണ്ടത്.

കഴിഞ്ഞ ദിവസം രാത്രിയില്‍ കാണാതായ രമ്യയെ തേടി നാട്ടുകാര്‍ തിരച്ചല്‍ നടത്തുന്നതിനിടെയാണ് തൊട്ടടുത്ത പറമ്പിലെ കിണറിലാണ് മൃതദേഹങ്ങള്‍ കണ്ടെത്തിയത്. വിമുക്ത ഭടന്‍ കൊല്ലം പാറയിലെ പ്രദീഷാണ് ഭര്‍ത്താവ്. ഇവർക്ക്‌ ആറ് വയസ് പ്രായമുള്ള മറ്റൊരു കുട്ടിയുമുണ്ട്.