കാര്‍പ് സംസ്ഥാനതല ചിത്രകലാ അവാര്‍ഡ് ജേതാവ് സി.കെ. കുമാരനെ ആദരിച്ച് പേരാമ്പ്രയിലെ ചിത്രകാരന്മാരുടെ കൂട്ടായ്മ
പേരാമ്പ്ര: കാര്‍പ് സംസ്ഥാനതല ചിത്രകലാ അവാര്‍ഡിനര്‍ഹനായ സി.കെ. കുമാരനെ ആദരിച്ചു. പേരാമ്പ്രയിലെ ചിത്രകാരന്മാരുടെ കൂട്ടായ്മയായ ‘ദി ക്യാംപ്’ സംഘടിപ്പിച്ച ചടങ്ങില്‍ പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് എന്‍.പി. ബാബു അവാര്‍ഡ് ജേതാവിന് ഉപഹാരം നല്‍കി ആദരിച്ചു.
ചടങ്ങില്‍ അഭിലാഷ് തിരുവോത്ത് സ്വാഗതവും ആര്‍.ബി. പേരാമ്പ്ര അധ്യക്ഷതയും നിര്‍വ്വഹിച്ചു. കെ.സി.രാജീവന്‍, രമേശ് കോവുമ്മല്‍, കരുണാകരന്‍ പേരാമ്പ്ര, ദിനേശ് നക്ഷത്ര, ബോബി മണിക്കൊമ്പേല്‍, ബഷീര്‍ ചിത്രകൂടം നിതേഷ് തെക്കേലത്ത്, ലിതേഷ്‌കരുണാകരന്‍, ബാബു.വി.വി എന്നിവര്‍ സംസാരിച്ചു. രഞ്ജിത് പട്ടാണിപ്പാറ ചടങ്ങില്‍ നന്ദി പറഞ്ഞു.
ചടങ്ങില്‍ ദിക്യാംപിന്റെ അംഗമായ ബൈജന്‍സിനും ഓണ്‍ലൈന്‍ ചിത്ര പ്രദര്‍ശനത്തിന് വെര്‍ച്വല്‍ വേദിയൊരുക്കിയ ആബിദ് ഫെബിയ്ക്കും ഉപഹാരങ്ങള്‍ നല്‍കി.