കായണ്ണയില്‍ ശക്തമായ കാറ്റിലും മഴയിലും മരംവീണ് വീട് തകര്‍ന്നു
കായണ്ണബസാര്‍: കായണ്ണ ഗ്രാമപ്പഞ്ചായത്ത് പതിനൊന്നാം വാര്‍ഡിലെ കാപ്പുമ്മല്‍ അബ്ദുല്‍ മനാഫിന്റെ വീടിന്റെ മേല്‍ക്കൂര മരം വീണു തകര്‍ന്നു. തെങ്ങും കമുകും വീണാണ് വീട് തകര്‍ന്നത്.
ബുധനാഴ്ച ഉണ്ടായ ശക്തമായമഴയിലും കാറ്റിലുമാണ് മരം വീണത്. മേല്‍ക്കൂര ജീര്‍ണിച്ചതിനാല്‍ ഓടിന്റെ മുകളില്‍ ടാര്‍പോളിന്‍ വിരിച്ചതായിരുന്നു. എന്നാല്‍ മരങ്ങള്‍ വീണതോടെ ഓട് ഭൂരിഭാഗവും തകര്‍ന്നിരിക്കുകയാണ്. വീടിനകത്തെ തയ്യല്‍ മെഷീനും വീട്ടുപകരണങ്ങളും തകര്‍ന്നു.