കു​റ്റ്യാ​ടി: മു​ര​തോ​ങ്ക​ര നി​ടു​വാ​ലി​ൽ പേ​പ്പ​ട്ടി​യു​ടെ വി​ള​യാ​ട്ടം. ര​ണ്ടു സ​ത്രീ​ക​ൾ ഉ​ൾ​പ്പെ​ടെ മൂ​ന്നു​പേ​ർ​ക്ക് ക​ടി​യേ​റ്റു. ഞാ​യ​റാ​ഴ്​​ച രാ​വി​ലെ ക​ർ​ഷ​ക​നാ​യ വ​ള്ളി​ച്ചാ​ലി​ൽ തേവര്‍​പ​റ​മ്പി​ൽ ബ​ഷീ​റി​നാ​ണ് (35) ആ​ദ്യം ക​ടി​യേ​റ്റ​ത്. വീ​ട്ടു​മു​റ്റ​ത്ത് നി​ൽ​ക്കു​ക​യാ​യി​രു​ന്ന ഇ​ദ്ദേ​ഹ​ത്തെ ക​ടി​ച്ച ശേ​ഷം നാ​യ​ ഓടി മാ​ടോ​ള്ള​തി​ൽ വീ​ട്ടി​ൽ ക​യ​റി. അ​വി​ടെ മു​റ്റ​ത്ത് അ​ല​ക്കു​ക​യാ​യി​രു​ന്ന ഷ​ക്കീ​ല (30), അ​നു​ജ​ത്തി സ​ലീ​ന(25) എ​ന്നി​വ​ർ​ക്കാ​ണ് ക​ടി​യേ​റ്റ​ത്.

ഷ​ക്കീ​ല​യു​ടെ കൈ​യി​ൽ ക​ടി​ച്ചു തൂ​ങ്ങി​യ നാ​യെ ഓടിയെ​ത്തി​യ സ​ലീ​ന ക​ഴു​ത്തി​ൽ പി​ടി​ച്ച് ക​ടി വി​ടു​വി​ക്കു​ക​യാ​യി​രു​ന്നു. ഇ​വ​ർ ഷാ​ൾ​കൊ​ണ്ട് നാ​യു​ടെ ക​ഴു​ത്തി​ന് ക​രു​ക്കി​ട്ടു വീ​ടിന്റെ ഗ്രി​ല്ലി​ൽ കെട്ടിയിട്ടു. ഇ​തി​നി​ടെ നാ​യ​ ച​ത്തു. മൂ​വ​രെ​യും കോ​ഴി​ക്കോ​ട് മെഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച് കു​ത്തി​വെ​പ്പ് ന​ൽ​കി. മു​ള്ള​ൻ​കു​ന്നി​ൽ തെ​രു​വു​നാ​യ്​ ശ​ല്യം രൂ​ക്ഷ​മാ​ണ്. ക​ടി​യേ​റ്റി​ട്ടും തളരാതെ നാ​യെ പി​ടി​ച്ചു കെ​ട്ടി​യ സ​ഹോ​ദ​രി​മാ​രെ നാ​ട്ടു​കാ​ർ അ​ഭി​ന​ന്ദി​ച്ചു.

കു​റ്റ്യാ​ടി ഗ​വ.​താ​ലൂ​ക്കാ​ശു​പ​ത്രി​യി​ൽ പേ​പ്പ​ട്ടി വി​ഷ​ത്തി​നു​ള്ള കു​ത്തി​വെ​പ്പി​ല്ലാ​ത്ത​തി​നാ​ൽ മെ​ഡി​ക്ക​ൽ കോ​ള​ജി​ൽ എ​ത്തി​ച്ച് കു​ത്തി​വെ​പ്പ് ന​ൽ​കേ​ണ്ട സ്ഥി​തി​യാ​ണ്. എ​ന്നാ​ൽ, വാ​ക്​​സി​ൻ സ്‌റ്റോക്കും തീ​ർ​ന്ന​താ​ണെ​ന്ന് ആ​ർ.​എം.​ഒ ഡോ.​പി.​കെ. ഷാ​ജ​ഹാ​ൻ പ​റ​ഞ്ഞു. പ്രൈ​മ​റി കു​ത്തി​വെ​പ്പി​നു​ള്ള മ​രു​ന്ന് ആ​ശു​പ​ത്രി ​യി​ൽ ഉ​ണ്ട്. ആ​ഴ​ത്തി​ൽ മു​റി​വു​ള്ള​തു​കൊ​ണ്ട് സെ​ക്ക​ൻ​ഡ​റി കു​ത്തി​വെ​പ്പി​ന് മെ​ഡി​ക്ക​ൽ കോ​ള​ജി​ൽ അ​യ​ക്കു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു.