ചോമ്പാല: മെയ്‌ മൂന്നുമുതൽ ചോമ്പാല മിനിസ്റ്റേഡിയത്തിൽ നടക്കുന്ന ‘കടത്തനാട് അങ്കം’ അങ്കത്തട്ടിന്റെ തറക്കല്ലിടൽ കർമം മീനാക്ഷി ഗുരുക്കൾ നിര്‍വ്വഹിച്ചു. പരിപാടി കടത്തനാടൻ കളരി ചരിത്രത്തിൽ പുതിയ കാൽവെപ്പാണെന്ന് മീനാക്ഷി ഗുരുക്കൾ പറഞ്ഞു.

സാംസ്കാരികവകുപ്പ് ഫോക്‌ലോർ അക്കാദമി, ചോമ്പാല മഹാത്മ വായനശാല എന്നിവയുടെ സഹകരണത്തോടെ വടകര ബ്ലോക്ക് പഞ്ചായത്താണ് പരിപാടി സംഘടിപ്പിക്കുന്നത്‌. മധു ഗുരുക്കൾ അധ്യക്ഷത വഹിച്ചു.

ബ്ലോക്ക് പഞ്ചായത്ത് പ്രസിഡന്റ്‌ കെ.പി ഗിരിജ, ഫെസ്റ്റിവൽ ഡയറക്ടർ പി.വി ലവ്‌ലിൻ, വി. മധുസൂദനൻ, എൻ.എം വിമല, കെ.എം സത്യൻ, വി.കെ സന്തോഷ്‌ കുമാർ, ശശികല ദിനേശ്, മങ്ങാട്ട് കുഞ്ഞിമൂസ്സ ഗുരുക്കൾ, കെ.വി മുഹമ്മദ് ഗുരിക്കൾ, കെ.പി സൗമ്യ, എം.പി ബാബു, പ്രദീപ് ചോമ്പാല, എസ്.ആശിഷ്, കെ.പി ഗോവിന്ദൻ, സി.എച്ച് ദേവരാജ്, എ.കെ ഗോപാലൻ, സുജിത്ത് പുതിയോട്ടിൽ എന്നിവർ സംസാരിച്ചു.