ജാനകിയുടെ പാട്ടിൽ ഏറെ ആസ്വദിച്ചാണ് വേദിയും സദസ്സും ഇരുന്നത്. ‘ദ് വോയ്‌സ് ഓസ്ട്രേലിയ’ പോലൊരു വലിയ സദസിൽ തുടക്കക്കാരി എന്ന നിലയിൽ കർണാട്ടിക് സംഗീതം പരിചയപ്പെടുത്താൻ കഴിഞ്ഞതിൽ വളരെയധികം സന്തോഷിക്കുന്നുവെന്ന് ജനിക്കിയും കുടുംബവും പറഞ്ഞു.

മുൻപ് ബില്ലി ഐലിഷിൻറെ ‘ലവ്‌ലി’ എന്ന ഗാനം ഒഡിഷനിൽ ജാനകി പാടുന്ന വിഡിയോ വൈറലായിരുന്നു. പാടി പൂർത്തിയാക്കിയ ശേഷം ജാനകിയുടെ പേരും മറ്റും ചോദിച്ചറിഞ്ഞ വിധികർത്താക്കൾ, പന്ത്രണ്ട് വയസുകാരിയാണ് മുന്നിൽ നിൽക്കുന്ന ഗായികയെന്ന് വളരെ അത്ഭുതത്തോടെയാണ് കേട്ടത്.

ഓസ്‌ട്രേലിയയിലെ ഏറ്റവും പ്രശസ്തമായ ഈ സംഗീത പരിപാടിയിൽ പങ്കെടുക്കുന്ന ഏറ്റവും കുറഞ്ഞ മത്സരാർഥിയാണ് ജാനകി. ഓസ്‌ട്രേലിയയിൽ ജോലി ചെയ്യുന്ന അനൂപ് ദിവാകരന്റെ മകളാണ് ജാനകി.