നാദാപുരം: ചെക്യാട് തീപ്പൊള്ളലേറ്റ കുടുംബത്തിലെ നാലാമത്തെയാളും മരണത്തിന് കീഴടങ്ങി. പൊള്ളലേറ്റ് മരിച്ച രാജുവിൻ്റെയും റീനയുടെയും ഇളയ മകൻ സ്റ്റെഫിനും (14) മരണത്തിന് കീഴടങ്ങി.
റീന ഇന്ന് കാലത്താണ് മരിച്ചത്. ഇവരുടെ മൂത്ത മകൻ സ്റ്റാലിഷ് (17) ഇന്നലെ മരിച്ചിരുന്നു.

ചൊവ്വാഴ്ച പുലർച്ചെയാണ് നാടിനെ നടുക്കിയ സംഭവം ഉണ്ടായത്. സമീപത്തെ കല്യാണ വീട്ടിൽപോയി തിരിച്ച് വന്ന് കിടന്നുറങ്ങിയ ഭാര്യയെയും മക്കളെയും രാജു പെട്രോൾ ഒഴിച്ച് തീകൊളുത്തി ആത്മഹത്യക്ക് ശ്രമിക്കുകയായിരുന്നുവെന്നാണ് പോലീസിന്റെ പ്രാഥമിക നിഗമനം. കുടുംബവഴക്കാണ് സംഭവത്തിനിടയാക്കിയത്.

രാജു ഒമാനിൽ ടെയ്ലറായി ജോലി ചെയ്യുകയായിരുന്നു. ഒരു വർഷം മുമ്പാണ് പ്രവാസ ജീവിതം മതിയാക്കി നാട്ടിൽ തിരിച്ചെത്തിയത്. മൂത്ത മകൻ സ്റ്റാലിഷ് കടവത്തൂർ ഹയർ സെക്കൻഡറി സ്കൂൾ പ്ലസ്ടു വിദ്യാർത്ഥിയും, ഇളയ മകൻ സ്റ്റെഫിൻ പാറാട് ഹയർ സെക്കന്ററി സ്കൂൾ ഒൻപതാം ക്ലാസ് വിദ്യാർത്ഥിയുമാണ്.