ഐ ലീഗില് ചരിത്ര നേട്ടവുമായി ഗോകുലം കേരള
കൊല്ക്കത്ത : ഐ ലീഗില് ചരിത്ര നേട്ടവുമായി ഗോകുലം കേരള എഫ്സി. ഒന്നിനെതിരെ നാല് ഗോളുകള്ക്ക് ട്രാവു എഫ്സിയെ പരാജയപ്പെടുത്തി ഐ ലീഗ് കിരീടം സ്വന്തമാക്കി. ഇതോടെ ഐ ലീഗ് കിരീടം നേടുന്ന ആദ്യ കേരളാ ടീമായി ഗോകുലം കേരള എഫ്സി.
എഴുപതാം മിനിറ്റിലാണ് ഗോകുലം ആദ്യ ഗോള് നേടിയത്. ഷെരിഫ് മുഹമ്മദാണ് ഗോകുലത്തിന് വേണ്ടി സമനില ഗോള് നേടിയത്. 1-1 സമനിലയിലെത്തിയതിന് പിന്നാലെ മലയാളി താരം എമില് ബെന്നിയുടെ ഗോളിലൂടെ ഗോകുലം മുന്നിലെത്തി. 76 ാമത്തെ മിനിറ്റില് ഗോകുലത്തിനായി ഡെന്നീസ് അഗ്വാരെ മൂന്നാം ഗോള് നേടി. ഫൈനല് വിസിലിന് തൊട്ടുമുന്പ് ഗോകുലം നാലാം ഗോളും നേടി.23 ാം മിനിറ്റില് സൂപ്പര് താരം വിദ്യാസാഗര് സിങ്ങാണ് ട്രാവു എഫ്സിക്കായി ആദ്യ ഗോള് നേടിയത്. ബോക്സിന് വെളിയില് നിന്ന് ഷോട്ടെടുത്ത വിദ്യാസാഗര് ബോള് കൃത്യമായി വലയിലെത്തിച്ചു. വിദ്യാസാഗര് ഈ സീസണില് നേടുന്ന പന്ത്രണ്ടാം ഗോളാണിത്.
ആദ്യ പകുതിയില് ഇരുടീമുകളും മികച്ച പ്രകടനം പുറത്തെടുത്തിരുന്നു. കളിതുടങ്ങി അഞ്ചാംമിനിറ്റില് ഗോകുലത്തിന് മികച്ച അവസരം ലഭിച്ചുവെങ്കിലും അത് ഗോളാക്കി മാറ്റാനായില്ല.