ഓൺലൈനായി അപേക്ഷിക്കുന്നവർ അപേക്ഷാപ്രക്രിയ പൂർത്തിയാക്കിയ ശേഷം വെബ്‌സൈറ്റിൽ നിന്ന് പൂർണമായ അപേക്ഷ ഡൗൺലോഡ് ചെയ്യണം. ഈ അപേക്ഷയും അനുബന്ധരേഖകളും 100 രൂപ രജിസ്ട്രേഷൻ ഫീസ് സഹിതം (എസ്.സി./എസ്.ടി. വിദ്യാർഥികൾക്ക് 50 രൂപ) ഓഗസ്റ്റ് 17-ന് വൈകീട്ട് മൂന്നിനുമുമ്പായി ബന്ധപ്പെട്ട സ്കൂളുകളിൽ സമർപ്പിക്കണം. സി.ബി.എസ്.ഇ. വിഭാഗത്തിൽ നിന്നുള്ള അപേക്ഷകർക്ക് നിശ്ചിതതീയതിക്കു മുമ്പായി പത്താം ക്ലാസ് പരീക്ഷാഫലം പ്രസിദ്ധീകരിക്കാത്തപക്ഷം അപേക്ഷ സമർപ്പിക്കുന്നതിന് അവസരം നൽകും.