കൊയിലാണ്ടി: ഏഴു കുടിക്കല്‍ കുറുംബാ ഭഗവതി ക്ഷേത്ര താലപ്പൊലി ഉത്സവം കൊടിയേറി. ക്ഷേത്രം തന്ത്രി പാതിരിശ്ശേരി ശ്രീകുമാരന്‍ നമ്പൂതിരിപ്പാടിന്റെ നേതൃത്വത്തിലായിരുന്നു കൊടിയേറ്റ ചടങ്ങുകള്‍ നടന്നത്.

ഫെബ്രുവരി 21: രാവിലെ ശീവേലി, രാത്രി എട്ടിന് ശശി കമ്മട്ടേരിയുടെ പ്രഭാഷണം.

ഫെബ്രുവരി 22: രാവിലെയും വൈകീട്ടും ശീവേലി, രാത്രി എട്ടിന് മെഗാ തിരുവാതിരക്കളി, മിനി കമ്മട്ടേരിയുടെ പ്രഭാഷണം.

ഫെബ്രുവരി 23: രാവിലെ അരങ്ങോല വരവ്, വൈകുന്നേരം ഏഴിന് ശീവേലി എഴുന്നള്ളിപ്പ്, എട്ടിന് കലാപരിപാടികള്‍.

ഫെബ്രുവരി 24: രാവിലെ ശീവേലി, വൈകുന്നേരം നാലിന് ആഘോഷ വരവ്, ആറരക്ക് സോപാന സംഗീതം, എട്ടിന് കലാമണ്ഡലം ശിവദാസ മാരാരും പോരൂര്‍ ഹരികൃഷ്ണനും ചേര്‍ന്ന് അവതരിപ്പിക്കുന്ന തായമ്പക, ഒന്‍പതിന് ഗാനമേള.

ഫെബ്രുവരി 25: താലപ്പൊലി, രാവിലെ ലളിതാസഹസ്രനാമാര്‍ച്ചന, വൈകുന്നേരം ആറിന് നാന്തകം എഴുന്നള്ളിപ്പ്, പത്തരക്ക് കരിമരുന്ന് പ്രയോഗം, ഗുരുതി തര്‍പ്പണം എന്നിവ ഉണ്ടായിരിക്കും.