എസ്.എസ്.എല്‍.സി പരീക്ഷയില്‍ ഫുള്‍ എ-പ്ലസ്; മേപ്പയൂരിലെ നഹലാ ഫാത്തിമയെ മുസ്ലീം ലീഗ് ആദരിച്ചു
മേപ്പയ്യൂര്‍: എസ്.എസ്.എല്‍.സി പരീക്ഷയില്‍ എല്ലാ വിഷയങ്ങളിലും എ-പ്ലസ് കരസ്ഥമാക്കിയ സി.കെ.നഹലാ ഫാത്തിമയെ ഉപഹാരങ്ങള്‍ നല്‍കി ആദരിച്ചു.മേപ്പയ്യൂര്‍ ടൗണ്‍ മുസ്ലിം ലീഗ് കമ്മറ്റിയുടെ നേതൃത്വത്തിലാണ് അനുമോദന ചടങ്ങ് സംഘടിപ്പിച്ചത്.
ചടങ്ങില്‍ പേരാമ്പ്ര മണ്ഡലം വനിതാ ലീഗ് ജനറല്‍ സെക്രട്ടറി ഷര്‍മിന കോമത്ത് ഉപഹാരങ്ങള്‍ വിതരണം ചെയ്തു. മുസ്ലിം ലീഗ് ജനറല്‍ സെക്രട്ടറി ടി.കെ.അബ്ദുറഹിമാന്‍, യൂത്ത് ലീഗ് ജനറല്‍ സെക്രട്ടറി ഷാഹിദ് മേപ്പാട്ട്, ടി.കെ.അബ്ദുല്‍ വാഹിദ് എന്നിവര്‍ ചടങ്ങില്‍ പങ്കെടുത്തു.