തിരുവനന്തപുരം: എസ്‌എസ്‌എല്‍സി, പ്ലസ് ടു, വിഎച്ച്‌എസ്‌ഇ ഫൈനല്‍ പരീക്ഷാ തീയതി ഇന്ന് പ്രഖ്യാപിക്കും. കുറ്റമറ്റരീതിയിലാണ് കുട്ടികള്‍ക്ക് ക്ലാസുകള്‍ നടന്നതെന്ന് വിദ്യാഭ്യാസമന്ത്രി വി ശിവന്‍കുട്ടി പറഞ്ഞു.

അതേസമയം എസ്‌എസ്‌എല്‍സി പരീക്ഷകള്‍ക്ക് പാഠഭാഗങ്ങളുടെ എത്രഭാഗം ഉള്‍പ്പെടുത്തണമെന്നതില്‍ ഉടന്‍ തീരുമാനമെടുത്തേക്കും. കഴിഞ്ഞ തവണത്തെ പരീക്ഷക്ക് 40 ശതമാനം പാഠഭാഗങ്ങളാണ് ഉള്‍പ്പെടുത്തിയിരുന്നത്. എന്നാല്‍ ഇത്തവണ 60 ശതമാനം പാഠഭാഗം ഉള്‍ക്കൊള്ളിക്കണമെന്ന നിര്‍ദ്ദേശമാണ് നിലവില്‍ പരിഗണനയിലുള്ളത്.

കഴിഞ്ഞ വർഷം പരീക്ഷ നടത്തുന്നതിനെക്കുറിച്ച്‌ വലിയ വിമർശനങ്ങൾ ഉയർന്നിരുന്നു. എന്നാല്‍ പരീക്ഷ നടന്നത് കൊണ്ട് കുട്ടികള്‍ക്ക് ഗുണമാണുണ്ടായതെന്നും മന്ത്രി പറഞ്ഞു.