കോഴിക്കോട്: ഒളിമ്പിക്‌സ് പുരുഷ വിഭാഗം ജാവലിന്‍ ത്രോയില്‍ സ്വര്‍ണമെഡല്‍ കരസ്ഥമാക്കിയ നീരജ് ചോപ്രയ്ക്ക് അഭിനന്ദനവുമായി പിടി ഉഷ. 23 കാരനായ നീരജ് ചോപ്ര 87.58 ദൂരം താണ്ടിയാണ് സ്വര്‍ണമെഡല്‍ സ്വന്തമാക്കിയത്. രണ്ടാം ശ്രമത്തിലാണ് നീരജ് സ്വര്‍ണ മെഡല്‍ ദൂരം താണ്ടിയത്. ചെക്ക് റിപ്പബ്ലിക്ക് താരങ്ങള്‍ക്കാണ് വെള്ളി, വെങ്കല മെഡലുകള്‍. രണ്ടാമത് ജാക്കൂബ് വ്‌ലാഡ്‌ലെച്ചും (86.67 മീറ്റര്‍) മൂന്നാമത് വിറ്റസ്ലേവ് വെസ്ലിയും (85.44 മീറ്റര്‍) ഫിനിഷ് ചെയ്തു.

Realised my unfinished dream today after 37 years. Thank you my son Neeraj Chopra എന്നാണ് പിടി ഉഷ ഫെയ്‌സ് ബുക്കില്‍ അഭിനന്ദനം അറിയിച്ചത്. ഇന്ത്യ കണ്ട എക്കാലത്തേയും മികച്ച വനിതാ കായികതാരമാണ് പിടി ഉഷ. പയ്യോളിയുടെ കടപ്പുറത്ത് നിന്നും ലോകത്തിന്റെ മുകളിലേക്ക് കുതിച്ചു പാഞ്ഞ കായികതാരം.