അരിക്കുളം: അരിക്കുളം കെ.എസ്.ഇ.ബി. ഓഫീസിനു പുതുതായി പണി കഴിപ്പിച്ച കെട്ടിടത്തിന്റെ പ്രവര്‍ത്തനോദ്ഘാടനം അരിക്കുളം ഗ്രാമ പഞ്ചായത്ത് പ്രസിഡന്റ് എ.എം.സുഗതന്‍ മാസ്റ്റര്‍ നിര്‍വ്വഹിച്ചു. ചടങ്ങില്‍ മനോജന്‍.പി.പി( ഡെപ്യൂട്ടി ചീഫ് എഞ്ചിനീയര്‍, ഇലക്ട്രിക്കല്‍ സര്‍ക്കിള്‍ വടകര) അദ്ധ്യക്ഷത വഹിച്ചു.

മഹിജ.സി( എക്‌സിക്യൂട്ടീവ് എഞ്ചിനീയര്‍ ഇലക്ട്രിക്കല്‍ ഡിവിഷന്‍ വടകര) റിപ്പോര്‍ട്ട് അവതരിപ്പിച്ചു. അരിക്കുളം ഗ്രാമ പഞ്ചായത്ത് മെമ്പര്‍ ശ്യാമളഇടപ്പള്ളി, അസിസ്റ്റന്റ് എഞ്ചിനീയര്‍ ഇന്‍ ചാര്‍ജ് ഹരിഹരന്‍.കെ.കെ, CITU WA വടകര ഡിവിഷന്‍ സെക്രട്ടറി എം.ഷാജി, KSEWF വടകര ഡിവിഷന്‍ സെക്രട്ടറി ജയപ്രകാശ് കെ.എം, INTUC KEEC വടകര ഡിവിഷന്‍ പ്രസിഡന്റ് രഞ്ജിത്ത്, ഇലക്ട്രിക്കല്‍ സെക്ഷന്‍ അരിക്കുളം അസിസ്റ്റന്റ് എഞ്ചിനീയര്‍ വിനീത്കുമാര്‍ എന്നിവര്‍ ആശംസകള്‍ അര്‍പ്പിച്ചു.

സീനിയര്‍ സൂപ്രണ്ട് സിന്ധു.കെ.എല്‍ ചടങ്ങില്‍ നന്ദി പ്രകാശിപ്പിച്ചു. ഇന്ന് മുതല്‍ അരിക്കുളം സെക്ഷന്‍ കീഴിലുള്ള ഉപഭോക്താക്കള്‍ക്കുള്ള സേവനം പുതിയ ഓഫീസില്‍ നിന്നായിരിക്കുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.