Tag: Bevco Outlet

തിരൂര്‍: വെട്ടുകത്തിയുമായി തിരൂരിലെ ബിവറേജസ് ഔട്ട്‌ലെറ്റിന് മുന്നില്‍ മദ്യപന്റെ പരാക്രമം. മദ്യം വാങ്ങാനെത്തിയ മറ്റൊരാള്‍ക്ക് നേരേയാണ് മദ്യലഹരിയിലാണ്ട അക്രമി കത്തിവീശിക്കാണിച്ച് വിരട്ടിയത്. രണ്ടുദിവസം മുന്‍പുണ്ടായ സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നതോടെയാണ് മദ്യപാനിയുടെ സിനിമാസ്റ്റെയ്ല്‍ അക്രമം വൈറലായത്. മദ്യം വാങ്ങാന്‍ ക്യൂവില്‍ കാത്തുനില്‍ക്കുന്ന ആള്‍ക്ക് നേരെ അക്രമി വെട്ടുകത്തിവീശി ഭീഷണിപ്പെടുത്തുന്നതും ഷര്‍ട്ടില്‍ കുത്തിപ്പിടിച്ച് തള്ളിമാറ്റുന്നതുമെല്ലാം ദൃശ്യങ്ങളില്‍ വ്യക്തമാണ്.